Nýr KONA rafbíll skilar einstökum afköstum og ríflegri drægni upp á 484 km. Þegar þú loks þarft að stinga í samband skilar hraðhleðsla rafhlöðu úr 10% hleðslu í 80% hleðslu á aðeins 47 mínútum.*
Enginn sagði að rafknúnar samgöngur þyrftu að vera leiðinlegar. Komdu þér leiftursnöggt af stað með 395 Nm togi sem eingöngu er knúið með rafmagnsaflrás. Þessi sportlegi bíll er hrikalega skemmtilegur í akstri – fer úr kyrrstöðu í 100 km/klst. á aðeins 7,9 sekúndum. Tvær mismunandi aflrásir eru boði þannig að þú getur valið um mismunandi afl og æskilega drægni: 39,2 kWh rafhlaða með allt að 305 km akstursdrægni. Eða 64 kWh útfærsla sem skilar allt að 484 km drægni á einni hleðslu.1
Með 64 kWh rafhlöðu nýturðu frábærs drægis upp að allt að 484 km og með 204 hö. afköstum og 395 Nm togi færðu líka heilmikinn kraft. Samþætting rafhlöðunnar í heildarhönnun bílsins tryggir auk þess að hvergi er gengið á pláss í innanrýminu.
Þessi sportlegi bíll er hrikalega skemmtilegur í akstri – fer úr kyrrstöðu í 100 km/klst. á aðeins 7,9 sekúndum. 64 kWh útfærslan skilar hámarkshraða upp á 167 km/klst.
39,2 kWh rafhlöðuútfærslan býður upp á allt að 305 kílómetra drægi og 395 Nm tog, sem skilar skemmtilegum akstri með fullu afli frá fyrstu sekúndu. Hugvitssamleg samþætting rafhlöðunnar tryggir auk þess að hvergi er gengið á pláss í innanrými.
Þessi sportlegi bíll er verulega skemmtilegur í akstri 39,2 kWh rafhlöðuútfærslan skilar hámarkshraða upp á 155 km/klst. og 0 til 100 km/klst. á aðeins 9,9 sekúndum.
Sérvaldir íhlutir rafmagnsaflrásarinnar voru hannaðir til að gefa frábæra aksturseiginleika og drægni sem henta fyrir daglega notkun. Sérhannað byggingarlagið býður upp á innfellingu rafhlöðupakka þannig að þeir gangi ekki á rými.
LiPo-rafhlaða KONA rafbílsins er síður viðkvæm fyrir áhrifum hleðsluminnis og skilar framúrskarandi hleðslugetu samanborið við hefðbundnar rafhlöður.
64 kWh rafhlaðan vinnur með rafmótor sem skilar 204 ha. (150 kW) afköstum. 39,2 kWh rafhlaðan vinnur með rafmótor sem skilar 136 hö. (100 kW).
Hámarkaðu akstursdrægni í akstri KONA rafbíls með endurheimt hemlaorku sem hleður rafhlöðuna með því að nota rafmótorinn til að hægja á bílnum.
Hemlun er fínstillt þannig að endurheimtarkerfi hemlaafls nýtist sem best og KONA-rafbíllinn haldi ákjósanlegri hleðslustöðu. Ökumaðurinn getur auðveldlega stillt hversu mikið hemlaafl er endurheimt með skiptirofunum á bak við stýrið.
Stig 0: Endurnýting hemlaafls er ekki virk og rafhlaðan hleðst ekki. Stig 1 til stig 3: Hærra stig þýðir aukna hemlun með rafmótornum og um leið aukna hleðslu. Því hærra sem stigið er, því meira hægir bíllinn á sér um leið og rafhlaðan er hlaðin þegar þú tekur fótinn af inngjöfinni.
Einnig er hægt að nota skiptirofann til að hemla. Þú einfaldlega togar í vinstri skiptirofann og heldur honum þannig. Hægt er að hægja á bílnum þannig að hann stöðvist alveg á þennan hátt, án þess að stigið sé á hefðbundna hemlafótstigið.
Togaðu í vinstri skiptirofann og haltu honum þannig til að virkja hámarksstyrk endurheimtar hemlaafls. Þú getur stöðvað bílinn á þennan hátt – án þess að nota hefðbundna hemlafótstigið. Hleðslustyrkur er mestur í þessari stillingu.
Snjöll endurheimt hemlaorku nýtir ratsjárskynjara bílsins til að stjórna sjálfkrafa hversu mikið hemlaafl er endurheimt í samræmi við umferðina fram undan. Að auki greinir það einnig hvort KONA-rafbíllinn er að keyra upp eða niður brekku og lagar sig að því.
KONA rafbíll býður upp á ýmsa möguleika og hleðsluklær fyrir hleðslu, allt eftir því hvernig rafveita er heima hjá þér og hvernig hraðhleðslustöðvum þú hefur aðgang að.
Þegar notaður er 100 kW jafnstraumur á hraðhleðslustöð tekur aðeins 47 mínútur að hlaða LiPo-rafhlöðu nýja KONA-rafbílsins úr 10% í 80% hleðslustöðu. Þegar notuð er 50 kW hleðslustöð er hleðslutíminn 64 mínútur.
Þegar notaður er 100 kW jafnstraumur á hraðhleðslustöð tekur aðeins 47 mínútur að hlaða LiPo-rafhlöðu nýja KONA-rafbílsins úr 10% í 80% hleðslustöðu. Þegar notuð er 50 kW hleðslustöð er hleðslutíminn 48 mínútur.
Hleðsla langdrægrar 64 kWh rafhlöðu í heimahleðslustöð eða riðstraumshleðslustöð fyrir almenning tekur um 6 klst. og 50 mín. úr 10% í 100% hleðslu þegar 10,5 kWh þriggja fasa innbyggður hleðslubúnaður er notaður og 9 klst. og 15 mín. þegar 7,2 kWh eins fasa innbyggður hleðslubúnaður er notaður.
Hleðsla 39,2 kWh rafhlöðu í heimahleðslustöð eða riðstraumshleðslustöð fyrir almenning tekur um 4 klst. og 20 mín. úr 10% í 100% hleðslu þegar 10,5 kWh þriggja fasa innbyggður hleðslubúnaður er notaður og 6 klst. þegar 7,2 kWh eins fasa innbyggður hleðslubúnaður er notaður.
Háþróað rafhlöðustjórnkerfi Kona-rafbílsins veitir þér fullkomna stjórn á því hvenær og hvernig þú hleður bílinn. Veldu tíma sem hentar þínum tíma og fjárhag best og fáðu nákvæmar upplýsingar um hleðslutíma.
Aðeins örfáar snertingar og þú sparar pening. Notaðu eiginleikann til að taka frá hleðslutíma á miðjuskjánum til að stilla upphaf og lok hleðslutíma þannig að þú getir nýtt þér lægra raforkugjald utan álagstíma og stigið inn í bíl með fullhlaðinni rafhlöðu þegar þú vaknar.
Stilltu hleðsluhámark – til dæmis 50% – til að nýta þér hraðhleðslustöð í borginni fyrir aksturinn heim. Svo geturðu fullhlaðið rafhlöðuna heima á meðan þú sefur til að nýta þér lægra raforkugjald að nóttu til.
Nýi KONA rafbíllinn er hannaður fyrir hámarksnotagildi og framúrskarandi þægindi: Leggðu í langferð og nýttu þér rúmgóða 332 lítra farangursgeymsluna. Eða kveiktu á hita og loftræstingu í sætum (aukabúnaður) til að auka þægindi við aksturinn. Auk þessa gerir hugvitsamlegur búnaður á borð við bakkmyndavél og sjónlínuskjá þér kleift að komast á leiðarenda á öruggari og afslappaðri máta.
Mikil mýkt. Skiptu á milli framgírs, hlutlauss gírs, bakkgírs og stöðugírs með þægilega staðsettum hnöppum á miðstokknum.
Stilltu hitastig sérstaklega fyrir ökumann og farþega í framsæti – eða gerðu svæðið fyrir farþega í framsæti óvirkt til að spara rafhlöðuorku þegar þú ert ein(n) á ferð.
Á miðstokknum má einnig finna rafræna handbremsu. Hún er þægileg og einföld í notkun og tekur minna pláss í innanrýminu.
Farþegar í aftursæti munu njóta þess að sitja í upphitaðri annarri sætaröð og hafa þægilegt USB-tengi innan seilingar til að hlaða snjallsímann.
Fáðu betra útsýni við akstur og að leggja í stæði. Með einum hnappi getur skjár fyrir bakkmyndavél sýnt þér nákvæmlega hvað er fyrir aftan þig á miðlæga snertiskjánum, jafnvel þegar þú ert að aka.
Sjónlínuskjárinn veitir betra útsýni og eykur öryggi þitt með því að varpa mikilvægum upplýsingum á borð við hraða, leiðsögn og viðvaranir beint fyrir framan augun á þér.
Einfalt er að stilla hversu mikið hemlaafl er endurheimt með skiptirofunum. Einnig er hægt að toga í vinstri gírskiptirofann til að hemla.
KONA rafbíllinn er einnig búinn allri nýjustu snjalltækninni og öllum nýjasta tengibúnaðinum á borð við Bluelink® Connected Car Services sem gera þér kleift að stjórna bílnum með snjallsímanum – eða röddinni. Ókeypis fimm ára áskrift að Hyundai LIVE Services fylgir með leiðsögukerfi fyrir stóran 10,25" skjá.
Snertiskjárinn er 10,25" og styður Apple CarPlay™ og Android Auto™ þannig að þú getur tengt símann þinn og stjórnað honum á stórum skjánum.
Notaðu nettenginguna innanbæjar eða lokaðu netinu og haltu út úr bænum með tónlistina í botni. Hljóðkerfið er frá KRELL og skilar ótrúlegum hljómgæðum.
Þessi búnaður hringir sjálfkrafa í neyðaraðstoð ef þú lendir í slysi og loftpúðarnir fara í gang. Þú getur líka ýtt á SOS-hnappinn til að óska eftir neyðaraðstoð hvenær sem er, alla daga ársins.
Þráðlaus hleðslustöð er á þægilegum stað svo hægt er að hlaða Qi-stöðluð snjalltæki á skjótan og einfaldan hátt.
BlueLink® Connected Car Services býður upp á hnökralausa tengingu við KONA rafbílinn með raddstýringu og ýmsum búnaði sem gerir aksturinn þægilegri og ánægjulegri. Þá gerir Bluelink-forritið þér kleift að stjórna ótal snjöllum eiginleikum. Leiðsögukerfinu fylgir fimm ára áskrift að Huyndai LIVE Services.
Vistaðu allt eins og þú vilt hafa það. Nú getur þú vistað kjörstillingar fyrir upplýsinga- og afþreyingarkerfi, t.d. stillingar tungumáls, Bluetooth og leiðsagnar.
Kveiktu á og stjórnaðu eiginleikum á borð við stillingar miðstöðvar og loftkælingar, upplýsinga- og afþreyingarkerfi, hitun hliðarspegla og hita í stýri með raddskipunum.
Stjórnaðu bílnum þínum beint úr lófanum. Bluelink-forritið tengir þig við bílinn í gegnum snjallsímann til að gera þér kleift að læsa hurðunum, athuga hleðslustöðu rafhlöðunnar, forhita bílinn á köldum dögum og ótal margt fleira. Lestu áfram til að fá frekari upplýsingar.
Of kalt úti? Ekkert mál. Kona-rafbíllinn gerir þér kleift að stilla hvenær þú vilt forhita bílinn, afísa rúðurnar og kveikja á hita í stýri rafrænt þegar bíllinn er í sambandi við rafmagnsinnstungu – t.d. í bílskúrnum heima hjá þér. Þetta er notalegt og sparar einnig rafhlöðuorku sem annars þyrfti að nota síðar til að hita bílinn á ferðinni.
Þú getur kannað hversu mikið drægi hleðsla rafhlöðunnar býður upp á áður en þú leggur í hann.
Bluelink-forritið býður upp á aðgang að og stjórn á hleðsluáætlun Hyundai-rafbílsins þíns. Haltu utan um hana til að tryggja hámarksendingu rafhlöðunnar og greiða minna fyrir rafmagnið. Og svo að sjálfsögðu til að tryggja að bíllinn sé fullhlaðinn þegar þú þarft á honum að halda.
Hnekking sjálfgefinnar stillingar. Hafðu alla þræði í hendi þér þegar kemur að hleðslu Hyundai-rafbílsins þíns. Þú getur ákveðið mörk fyrir hraðhleðslu og heildarhleðslu – ef þú vilt.
Ljúktu ferðinni með leiðsögn á fæti. Ef þú ert innan 200 m til 2 km geturðu flutt leiðsögnina úr bílnum yfir í Bluelink-forritið. Með auknum raunveruleika leiðbeinir síminn þér nákvæmlega þangað sem þú vilt fara.
Ef þinn Kona er búinn leiðsagnarkerfi geturðu notað Bluelink-forritið til að leita að áfangastöðum þegar þú ert ekki í bílnum. Bluelink samstillir síðan leiðina við leiðsögukerfið þitt. Þú sest bara inn og ýtir á hnapp.
Gleymdirðu hvar þú lagðir bílnum? Þú opnar bara Bluelink-forritið til að sjá hvar bíllinn þinn er – hvar sem er í heiminum.
Gleymdirðu að læsa bílnum? Engar áhyggjur, bíllinn lætur þig vita með því að senda tilkynningu í símann þinn. Síðan geturðu notað PIN-númerið þitt til að læsa eða opna Hyundai með hnappi í Bluelink-forritinu.
Bluelink fylgist alltaf með bílnum þínum. Ef einhver reynir að brjótast inn í Kona-bílinn þinn – átt er við hurðalæsinguna og dyrnar opnaðar – færðu tilkynningu í snjallsímann.
Þú getur framkvæmt fjartengda bilanagreiningu með Bluelink-forritinu. Skýrslan um bílinn getur sýnt upplýsingar um þrýsting í hjólbörðum, viðvörunarljós vegna bilana, loftpúða, hemlakerfi og margt fleira.
Við uppfærðum KONA rafbílinn til að tryggja það sem þér er mikilvægast, öryggi ástvina þinna. Háþróuðum Hyundai SmartSense-akstursaðstoðarkerfunum í KONA fylgir það nýjasta í öryggis- og akstursaðstoðarbúnaði sem skilar sér í enn meiri hugarró.
Kerfið notar ratsjárskynjara á neðanverðum afturstuðaranum og myndavél að framan til að vara við umferð á blindsvæðunum. Ef stefnuljós er gefið við slíkar aðstæður virkjar kerfið hljóðviðvörun og hemlar til að koma í veg fyrir árekstur.
Þegar bakkað er út úr stæðum þar sem skyggni er lítið varar kerfið ekki aðeins ökumanninn við þegar bílar nálgast frá hlið – heldur beitir það einnig hemlunum sjálfkrafa.
Í fyrsta sinn er nýr þennan bíl búinn akreinaaðstoð. Þegar kveikt er á henni heldur hún bílnum á miðri akreininni á hraða milli 0 og 180 km/klst. á þjóðvegum og á götum innanbæjar.
Meira öryggi, minna stress. Heldur forstilltri fjarlægð frá næsta ökutæki á undan með því að minnka eða auka hraðann sjálfkrafa að tilgreindum mörkum. Í mjög hægri umferð og umferðarteppum viðheldur kerfið stilltri fjarlægð.
FCA-árekstraröryggiskerfið greinir veginn fram undan með ratsjá og myndavél og hemlar sjálfkrafa þegar það greinir óvænta hemlun hjá bílnum fyrir framan eða gangandi vegfarendur og hjólreiðafólk á veginum.
Þetta kerfi greinir skilti með hraðamerkingum og birtir hámarkshraða og bannskilti rauntíma, bæði á skjá leiðsögukerfisins og mælaborðinu.
Þessi sniðugi búnaður getur komið í veg fyrir slys með því að nema ökutæki sem nálgast aftan frá og birta viðvörun á mælaskjánum og hliðarspeglunum, auk þess að gefa frá sér hljóðviðvörun.
Hyundai Kona-rafbíllinn man hvort afturdyrnar voru opnaðar áður en ekið er af stað. Þegar komið er á áfangastað birtast skilaboð á mælaborðinu ásamt hljóðmerki til að minna ökumann á að líta í aftursætið.
Þessi hugvitssamlegi eiginleiki fyrir borgarakstur lætur ökumanninn vita þegar bíllinn á undan ekur af stað, t.d. á umferðarljósum eða í umferðarteppu.
Höfundarréttur © 2023 Hyundai á Íslandi. Allur réttur áskilinn.
