Nýr BAYON setur ný viðmið í flokki sambærilegra bíla með glæsilegu úrvali af fyrsta flokks snjalltækni. Nýttu þér nýjustu tengimöguleikana, öryggisbúnað sem er bestur í flokki sambærilegra bíla og háþróuð akstursaðstoðarkerfi, auk 48 V samhliða hybrid-aflrása.
Njóttu fyrsta flokks snjalltækni með tveimur 10,25" samfelldum breiðskjáum sem hægt er að skipta upp. Með Bluelink Connected Car Services frá Hyundai geturðu svo stjórnað bílnum með snjallsímanum – eða raddskipunum. Þessi tækni býður upp á hnökralausa tengingu við nýja BAYON-bílinn þinn með raddstýringu og búnaði sem gerir aksturinn þægilegri og ánægjulegri.
Miðlægur snertiskjárinn styður Apple CarPlay™ og Android Auto™ þannig að þú getur tengt símann þinn og stjórnað honum á skjánum.
8" snertiskjár með skjá- og hljóðkerfi býður einnig upp á þráðlausa snjallsímaspeglun sem gerir þér kleift að tengja og spegla snjallsímann þinn með auðveldum hætti í gegnum Apple CarPlay™ og Android Auto™ án þess að nota snúrur.
10,25" stafrænn mælaskjár eykur á hátækniyfirbragð ökumannsrýmisins og veitir skýrt og gott útsýni yfir allar mikilvægar upplýsingar um bílinn.
Stjórnaðu bílnum með snjallsímanum – eða með röddinni. Nýjasta Bluelink-uppfærslan gerir þér kleift að fullnýta kosti Connected Car Services. Þá gerir Bluelink-forritið þér kleift að stjórna ótal snjöllum eiginleikum. Leiðsögukerfinu fylgir einnig fimm ára áskrift að Hyundai LIVE Services með upplýsingum um umferð, bílastæði og bensínverð í rauntíma.
Tengt leiðaval þýðir að leiðin er ekki lengur reiknuð út af örgjörvanum í leiðsögutækinu heldur öflugum þjóni í Hyundai-skýinu. Af hverju er það betra? Af því að nú er hægt að spá með meiri nákvæmni fyrir um umferð, fá nákvæmari komutíma og gera áreiðanlegri endurútreikninga á leiðum.
Vertu fljótari að finna bílastæði – og sparaðu þér tíma og vesen. Þessi eiginleiki hjálpar þér að finna og bera saman bílastæðamöguleika í bílastæðahúsum, á bílastæðum og við götu.
Kveiktu á og stjórnaðu eiginleikum á borð við hitastillingar, upplýsinga- og afþreyingarkerfi og stýrishita með raddskipunum.
BlueLink® Connected Car Services býður upp á hnökralausa tengingu við nýja BAYON-bílinn þinn með raddstýringu og ýmsum búnaði sem gerir aksturinn þægilegri og ánægjulegri. Þá gerir Bluelink-forritið þér kleift að stjórna ótal snjöllum eiginleikum. Leiðsögukerfinu fylgir fimm ára áskrift að Hyundai LIVE Services.
Gleymdirðu að læsa bílnum? Ekki hafa áhyggjur, þessi bíll mun láta þig vita með því að senda tilkynningu í símann þinn. Þú getur síðan notað PIN-númerið þitt til að læsa eða opna bílinn með einum hnappi.
Ef þinn i10 er búinn leiðsagnarkerfi geturðu notað Bluelink-forritið til að leita að áfangastöðum þegar þú ert ekki í bílnum. Bluelink samstillir síðan leiðina við leiðsögukerfið þitt. Þú sest bara inn og ýtir á hnapp.
Gleymdirðu hvar þú lagðir bílnum? Þú opnar bara Bluelink-forritið til að sjá hvar bíllinn þinn er – hvar sem er í heiminum.
Bluelink fylgist alltaf með bílnum þínum. Ef einhver reynir að brjótast inn í i10-bílinn þinn – átt er við hurðalæsinguna og dyrnar opnaðar – sendir Bluelink-forritið tilkynningu í snjallsímann þinn.
Þú getur framkvæmt fjartengda bilanagreiningu með Bluelink-forritinu. Skýrslan um bílinn sýnir upplýsingar um þrýsting í hjólbörðum, viðvörunarljós vegna bilana, loftpúða, hemlakerfi og margt fleira.
Þarftu bensín? Athugaðu forritið. Notaðu fjartengdan aðgang að upplýsingum um ástand bílsins þegar þér hentar, svo sem vegalengd að næstu áfyllingu eldsneytis, hvort dyrnar eru opnar/lokaðar eða læstar/ólæstar og hvort farangursgeymsla er opin/lokuð.
Bayon er smár í sniðum en þó með fjölskylduvænu innanrými. Þannig færðu það besta úr báðum heimum með þægindi og geymslurými á við besta jeppa. Nett hönnunin og frábært útsýni auðvelda þér að setjast inn í bílinn og aka honum, og þökk sé háum sætunum upplifir þú einnig öryggistilfinninguna og kraftinn sem viðskiptavinir vænta af Hyundai-bílum.
Þú upplifir sterka frelsistilfinningu við að sitja í háum sætunum sem veita frábært útsýni og þannig aukið öryggi við stjórn bílsins.
Rúmgóð farangursgeymslan í BAYON sker sig úr í flokki sambærilegra bíla með 411 lítra geymsluplássi og farangurshlíf með snjallstjórnun.
Vantar þig pláss fyrir háa hluti? Geyma má farangurshlífina aftan við aftursætin til að nýta farangursrými BAYON fulls.
Gerðu aksturinn þægilegri með frábæru fótarými. Farþegar í framsæti fá 1072 mm fótarými á meðan farþegar í aftursæti fá 882 mm.
Innanrýmið verður enn rúmbetra með 993 mm höfuðrými fyrir ökumann og farþega í framsæti og 977 mm fyrir farþega í aftursæti.
Vandað BOSE-hljóðkerfið er með átta kraftmiklum hátölurum og bassahátalara sem veitir tæran, umlykjandi og öflugan hljóm.
Þráðlaus hleðslustöð er á miðstokknum. Auðvelt og fljótlegt er að hlaða Qi-samhæfa snjallsíma án þess að stinga þeim í samband.
Aldrei hefur verið auðveldara að tengja og hlaða USB-tæki. Tvö USB-tengi eru frammi í bílnum og eitt aftur í, það eina sem þarf að gera er að stinga í samband.
Nýr BAYON býður upp á styrkinn sem einkennir aðra bíla frá Hyundai, að ógleymdum öryggisbúnaðinum. Annað sem tryggir að bíllinn skarar fram úr í flokki sambærilegra bíla er fjölbreyttur Hyundai SmartSense-öryggisbúnaður og framúrskarandi akstursaðstoðarkerfi. Margir þessara eiginleika eru staðalbúnaður.
Nýr BAYON er búinn akreinaaðstoð. Þegar kveikt er á henni heldur hún bílnum á miðri akreininni á hraða milli 0 og 180 km/klst. á þjóðvegum og á götum innanbæjar.
Kerfið notar tvo ratsjárskynjara á neðanverðum afturstuðaranum til að vara við umferð á blindsvæðinu. Ef stefnuljós er gefið við slíkar aðstæður virkjar kerfið hljóðviðvörun og hemlar til að koma í veg fyrir árekstur.
Meira öryggi, minna stress. Heldur forstilltri fjarlægð frá næsta ökutæki á undan með því að minnka eða auka hraðann sjálfkrafa að tilgreindum mörkum.
Þegar bakkað er út úr stæðum þar sem skyggni er lítið varar kerfið ekki aðeins ökumanninn við þegar bílar nálgast frá hlið – heldur virkjar það einnig hemlana sjálfkrafa.
Þessi hugvitssamlegi eiginleiki fyrir borgarakstur lætur ökumanninn vita þegar ökutækið á undan ekur af stað, t.d. á umferðarljósum eða í umferðarteppu.
FCA-árekstraröryggiskerfið hemlar sjálfkrafa þegar það greinir skyndilega hemlun hjá bílnum fyrir framan eða gangandi vegfarendur og hjólreiðafólk. Nú er búið að bæta við kerfið gatnamótabeygjubúnaði sem er sérstaklega hannaður til að koma í veg fyrir framanákeyrslu þegar beygt er til vinstri á gatnamótum (í löndum þar sem hægri umferð gildir).
Þessi háþróaði eiginleiki notar gögn úr fyrsta flokks leiðsögukerfi og ratsjá BAYON til að aðlaga hraðann sjálfkrafa þegar ekið er á þjóðvegi eða hraðbraut. Kerfið sér fyrir beygjur og beina kafla og aðlagar hraðann til að gera aksturinn öruggari með því að draga sjálfkrafa úr hraða þegar þú kemur að beygju og auka hraða bílsins aftur upp í upprunalegan hraða þegar henni er lokið.
BAYON er fyrsti SUV-bíllinn frá Hyundai með þennan eiginleika, sem er yfirleitt eingöngu í afkastamestu bílunum okkar. Jöfnun snúningshraða samstillir 1,0 lítra T-GDi-vélina við úttaksásinn svo hreyfingin við að skipta niður um gír verði mýkri eða sportlegri.
Viltu sjá um kúplingu og gírskiptingu upp á eigin spýtur? Veldu vélarútfærslu með beinskiptingu til að skipta um gír með nákvæmum og þægilegum hætti.
Með DCT-kerfinu má skipta mjög snöggt um gír, hvort heldur sem er með sjálfskiptingu eða handvirkri skiptingu.
BAYON fer sjálfkrafa í rennslisstillingu þegar stigið er af eldsneytisgjöfinni og sparar þannig eldsneyti. Stillingin er í boði í vélarútfærslum með iMT-beinskiptingu og startara/rafal samhliða hybrid-kerfis.
Hyundai hefur þróað fyrstu CVVD-tæknina (Continuously Variable Valve Duration). Tæknin hámarkar afköst vélarinnar og sparneytni um leið og hún er vistvæn. Ventlastjórnunartæknin stjórnar tímastillingu opnunar og lokunar eftir akstursskilyrðum.
Með byltingarkenndri hönnun og fyrsta flokks öryggiskerfi. Með háþróuðum tengimöguleikum ertu alltaf í sambandi – líka á ferðinni. Nýjar aflrásir og gírskiptingar ryðja veginn fyrir fágaðri og sjálfbærri akstursupplifun. Nýr BAYON setur ný viðmið í flokki sambærilegra bíla.
Hér að neðan finnur þú upplýsingar um hjólbarðana sem gætu fylgt Hyundai BAYON.
Hyundai á Íslandi Kauptúni 1 210 Garðabæ 575 1200 [email protected]
Neyðarþjónusta Króks utan opnunartíma:
822 8010
Höfundarréttur © 2024 Hyundai á Íslandi. Allur réttur áskilinn.
