Háþróuð akstursaðstoð

Hyundai Smart Sense.

Háþróuðum Hyundai SmartSense-akstursaðstoðarkerfunum fylgir allt það nýjasta í öryggis- og akstursaðstoðarbúnaði sem skilar sér í enn meiri hugarró. Með eftirfarandi hugtakalista geturðu fræðst meira um hina ýmsu eiginleika.

Akstursöryggi.

FCA-árekstraröryggiskerfi.

Njóttu öryggisins sem fylgir sjálfvirkri hemlun sem forðar þér frá árekstrum. FCA-árekstraröryggiskerfið er eldsnöggt að stöðva bílinn, jafnvel þótt þú sért annars hugar. Kerfið skannar veginn með ratsjá og/eða myndavél að framan og lætur þig vita af bílum sem hægja á sér, kyrrstæðum ökutækjum, hjólreiðafólki eða gangandi vegfarendum framundan – og ef þú bregst ekki við í tæka tíð hemlar kerfið af öllu afli.

Meginvirkni.

FCA-árekstraröryggiskerfið lætur þig vita af bílum sem hægja á sér, kyrrstæðum ökutækjum, hjólreiðafólki eða gangandi vegfarendum framundan – og ef þú bregst ekki við í tæka tíð hemlar kerfið af öllu afli.

Vinstribeygjubúnaður .

Til að vernda þig í vinstri beygju á gatnamótum aðstoðar þetta kerfi við neyðarhemlun ef hætta er á árekstri við ökutæki úr gagnstæðri átt.

Gatnamótabúnaður

Skynjar ökutæki sem nálgast frá hlið á gatnamótum og aðstoðar sjálfkrafa við neyðarhemlun ef hætta er á árekstri.

Akreinaskiptabúnaður (hliðar).

Þegar skipt er um akrein aðstoðar FCA-árekstraröryggiskerfið sjálfkrafa við stýringuna ef hætta er á árekstri við næsta bíl á akreininni.

Akreinaskiptabúnaður (framundan) .

Þegar tekið er fram úr á tveggja akreina vegi aðstoðar FCA-árekstraröryggiskerfið við stýringu ef hætta er á árekstri við ökutæki úr gagnstæðri átt.

Akreinastýring.

Akreinastýringin gefur frá sér sjónrænar viðvaranir og hljóðmerki ef þú ferð út af akreininni án þess að gefa stefnuljós og virkjar fínstillta stýrisaðstoð sem færir bílinn aftur á réttan stað.

Akreinaaðstoð.

Þegar kveikt er á henni á þjóðvegum og götum innanbæjar heldur hún bílnum á miðri akreininni á hraða milli 0 og 180 km/klst.

Árekstraröryggiskerfi fyrir blindsvæði.

Kerfið gefur frá sér viðvörun ef ökutæki er á blindsvæðinu. Ef þú byrjar að færast yfir á aðra akrein notar kerfið mismunadrifshemlun til að stýra bílnum aftur í upphaflega stöðu á miðjum veginum.

Ekið úr stæði upp við gangstétt.

Árekstraröryggiskerfið fyrir blindsvæði aðstoðar sjálfkrafa með neyðarhemlun þegar þú ferð úr stæði upp við gangstétt og hætta er á árekstri við ökutækið fyrir aftan.

Blindsvæðisviðvörun.

Gefur frá sér sjónrænar viðvaranir og hljóðmerki þegar ökutæki greinist á blindsvæðinu og þú byrjar að færast yfir á aðra akrein.

Viðvörun útgönguskynjara.

Greinir ökutæki sem nálgast að aftanverðu og gefur frá sér sjónrænar viðvaranir og hljóðmerki til að farþegar geti stigið út úr bílnum þegar það er óhætt.

Aðstoð við örugga útgöngu.

Greinir ökutæki sem nálgast að aftanverðu, gefur frá sér viðvörun og læsir dyrunum í 1. og 2. sætaröð tímabundið til að farþegar geti aðeins stigið út úr bílnum þegar það er óhætt.

Viðvörun um farþega í aftursæti.

Úthljóðsnemar fylgjast með aftursætunum. Þegar ökumaðurinn fer út úr bílnum birtist áminning um að líta á aftursætin í mælaborðinu.

Aftursætisviðvörun.

Bíllinn man hvort afturdyrnar voru opnaðar áður en þú ókst af stað. Þegar komið er á áfangastað birtast skilaboð á mælaborðinu ásamt hljóðmerki til að minna ökumann á að líta á aftursætin.

Hraðatakmörkun.

Kerfið les umferðarmerki með myndavélinni að framan og gefur frá sér viðvörun ef ekið er yfir hámarkshraða. Þegar kveikt er á kerfinu stillir það ökuhraðann í samræmi við hámarkshraða hverju sinni.

Athyglisviðvörun.

Athyglisviðvörun sýnir athyglisstig ökumannsins við akstur. Kerfið gefur frá sér viðvörun þegar það greinir skerta athygli hjá ökumanni og ráðleggur hvíld, ef þörf krefur.

Blindsvæðismynd.

Þegar þú gefur stefnuljós birtist mynd af sömu hlið Hyundai-bílsins á mælaskjánum, sem tryggir þér bestu yfirsýnina og útrýmir öllum blindsvæðum.

Háljósaaðstoð.

Greinir ökutæki og skiptir sjálfkrafa yfir í lágljós. Þegar engin ökutæki greinast lengur er aftur kveikt á háljósunum til að hámarka útsýnið.

Yndisakstur.

Snjallhraðastillir.

Meira öryggi, minni streita. Heldur forstilltri fjarlægð frá næsta ökutæki á undan með því að minnka eða auka hraðann sjálfkrafa að þeim mörkum sem þú hefur valið. Snjallhraðastillirinn skynjar þegar ökutæki á undan þér hafa hægt á sér eða numið staðar og heldur öruggri fjarlægð með því að stilla hraða Hyundai-bílsins. Þegar eiginleikinn „Stop and Go“ er fyrir hendi getur snjallhraðastillirinn þar að auki ekið bílnum aftur af stað eftir að hann stöðvast.

Snjallhraðastillir með tengingu við leiðsögn.

Kerfið notar upplýsingar úr leiðsögukerfinu til að hjálpa þér að aka á öruggum hraða á þjóðvegunum. Þegar snjallhraðastillirinn með tengingu við leiðsögn er virkur mun valinn hraði auk þess breytast sjálfkrafa ef hraðinn er stilltur á núverandi hámarkshraða á þjóðveginum.

Beygjusvið.

Á þjóðvegi þar sem mikið er um beygjur dregur kerfið sjálfkrafa og mátulega úr hraðanum áður en ekið er inn í hverja beygju. Þegar ekið er út úr beygjunni eykst hraðinn aftur í fyrri stillingu.

Akreinaaðstoð.

Heldur þér öruggum á miðjum veginum. Þegar kveikt er á henni heldur hún bílnum á miðri akreininni á þjóðvegum og götum innanbæjar.

Þjóðvegaakstursaðstoð.

Hjálpar þér að halda tiltekinni fjarlægð og hraða frá næsta ökutæki við akstur á þjóðvegum og hjálpar til við að halda bílnum á miðri akrein, einnig í beygjum.

Þjóðvegaakstursaðstoð II.

Sjálfvirkur akstur með nýjustu tækninni. Þjóðvegaakstursaðstoð II með annars stigs sjálfvirkri öryggistækni, sem stjórnar hraða og fjarlægðum og aðstoðar við akreinaskipti.

Skynjari fyrir hreyfingu ökutækis á undan.

Þessi hugvitssamlegi eiginleiki fyrir borgarakstur lætur ökumanninn vita þegar ökutækið á undan ekur af stað, t.d. á umferðarljósum eða í umferðarteppu.

Öryggi á bílastæðum.

Bakkmyndavél.

Til að tryggja meira öryggi þegar lagt er í stæði birtist mynd af aðstæðum aftan við bílinn þegar skipt er í bakkgír eða ýtt á hnappinn „Parking/View“* (bílastæði/yfirsýn).

Umhverfismyndavélakerfi.

Er stæðið þröngt? Ekkert mál. Umhverfismyndavélakerfið færir þér 360 gráðu yfirsýn og auðveldar tilfærslu í þröngum rýmum til muna.

Fjarlægðarviðvörun á bílastæðum.

Aldrei auðveldara að leggja í stæði. Nálægðarskynjarar í fram- og afturstuðurum gefa frá sér viðvörun þegar fjarlægðin er of lítil og þannig geturðu sloppið við rispur og lagt bílnum á öruggan hátt*.

Árekstrarvörn að aftan.

Kerfið skynjar og gefur frá sér viðvörun þegar ökutæki aftan við bílinn aka þvert á þína akstursstefnu þegar þú bakkar út úr hornréttu stæði.

Árekstraröryggiskerfi með umferðarskynjara að aftan.

Kerfið varar þig við ökutækjum sem nálgast frá hlið eða að aftanverðu þegar þú bakkar bílnum og aðstoðar auk þess með neyðarhemlun.

Árekstraröryggiskerfi að aftan fyrir bílastæði.

Ef gangandi vegfarendur eða hlutir eru aftan við bílinn þegar þú bakkar lætur kerfið þig vita af mögulegum árekstri.

Ekkert mál að leggja í stæði.

Fjarstýrð snjallbílastæðaaðstoð.

Með einum hnappi á snjalllyklinum geturðu núna látið bílinn bakka sjálfan í og úr stæðinu – og stjórnað öllu fyrir utan bílinn.

Yfirlit yfir gerð.

Hvaða gerð er með háþróaða akstursaðstoðareiginleika?

Til að tryggja öryggi ökumanna, farþega og gangandi vegfarenda er grundvallarstefnan okkar sú að margir öryggiseiginleikar séu staðalbúnaður í öllum gerðum sambærilegra bíla. Við erum að bæta við fjölda gerða í þeim tilgangi að fleiri viðskiptavinir njóti öryggis á sanngjörnu verði. FCA-árekstraröryggiskerfið, sem eitt sinn var aukabúnaður í úrvalsflokki, hefur t.d. verið notað í minni smábílana okkar frá 2017. Frá 2020 hafa akreinastýring og árekstraröryggiskerfi fyrir blindsvæði verið grunneiginleikar í minni smábílum.

Háþróaður akstursaðstoðareiginleiki	i10	i20	i20 N	BAYON	i30	i30 N	KONA	KONA Hybrid	KONA-rafbíll	KONA N	TUCSON	TUCSON Hybrid	TUCSON Plug-in Hybrid	SANTA FE	SANTA FE Hybrid	SANTA FE Plug-in Hybrid	IONIQ Hybrid	IONIQ Plug-in Hybrid	IONIQ-rafbíll	NEXO	IONIQ 5	STARIA sendibíll	STARIA Wagon/Luxury
Akreinastýring
Akreinaaðstoð
Háljósaaðstoð
Hraðatakmörkun
Handvirk hraðatakmörkun
Hraðatakmörkun
Athyglisviðvörun
FCA-árekstraröryggiskerfi, bíll
FCA-árekstraröryggiskerfi, gangandi vegfarandi
FCA-árekstraröryggiskerfi, gangandi vegfarandi og hjólreiðamaður
FCA-árekstraröryggiskerfi, vinstribeygjubúnaður
FCA-árekstraröryggiskerfi, gatnamótabúnaður
FCA-árekstraröryggiskerfi, akreinaskiptabúnaður (framundan)
FCA-árekstraröryggiskerfi, akreinaskiptabúnaður (hliðar)
Skynjari fyrir hreyfingu ökutækis á undan
Þjóðvegaakstursaðstoð 1
Þjóðvegaakstursaðstoð 2
Bílastæðaaðstoð
Fjarstýrð snjallbílastæðaaðstoð (grunngerð)
Fjarstýrð snjallbílastæðaaðstoð (Remote/Smart)
Útgönguskynjari
Aðstoð við örugga útgöngu
Fjarlægðarviðvörun á bílastæðum	(Að aftan)
Bakkmyndavél
Umhverfismyndavélakerfi
Árekstraröryggiskerfi að aftan fyrir bílastæði
Árekstrarvörn að aftan
Árekstraröryggiskerfi með umferðarskynjara að aftan
Snjallhraðastillir
Snjallhraðastillir með tengingu við leiðsögn
Blindsvæðisviðvörun
Árekstraröryggiskerfi með blindsvæðisviðvörun, að aftanverðu/til hliðar
Blindsvæðismynd
Aftursætisviðvörun
Viðvörun um farþega í aftursæti
Stöðugleikastuðningur fyrir eftirvagn
Hemlun í fjöldaárekstri

Taflan sýnir almennt framboð fyrir hverja gerð og aukabúnaður kemur einnig fram. Upplýsingar um framboð búnaðar er að finna hjá söluaðila.