Gangsetning / lítill hraði.
Þegar Tucson Hybrid er gangsettur eða honum er ekið hægt knýr raforkan sem er geymd í rafhlöðunni rafmótorinn og þar með bílinn áfram.
Menu
Nýr TUCSON Plug-in Hybrid setur ný viðmið í flokki sambærilegra bíla með glæsilegu úrvali af fyrsta flokks snjalltækni. Njóttu nýjustu tengimöguleikanna, besta öryggisbúnaðarins í flokki sambærilegra bíla ásamt framúrskarandi akstursaðstoðarkerfa.
Plug-in Hybrid-kerfið í TUCSON skilar hámarkssparneytni og gerir aksturinn einstaklega ánægjulegan. Það byggist á öflugri samsetningu 1,6 l T-GDi Smartstream-vélar og 66,9 kW rafmótors sem er knúinn af 13,8 kWh LiPo-rafhlöðu. Saman skila bensínvélin og rafmótorinn 265 ha. hámarksafli og 304 Nm hámarkstogi.
Öflugur 66,9 kW rafmótorinn skilar 304 Nm togi sem gerir hröðun og afkastagetu Plug-in Hybrid einstakar.
13,8 kWh LiPo-rafhlaðan geymir raforku sem endurheimtarkerfi fyrir hemlaorku myndar. Raforkan er því næst notuð til að knýja rafmótorinn.
1,6 lítra T-GDi vélin er búin hinni einstöku CVVD-tækni frá Hyundai (Continuously Variable Valve Duration) sem hámarkar afkastagetu og sparneytni vélarinnar.
Viltu vera við stjórnvölinn? Þú getur skipt um gír með gírskiptirofunum í sportstillingu.
Nýr TUCSON Plug-in Hybrid skiptir hnökralaust á milli bensínvélar og rafmótors, allt eftir aðstæðum hverju sinni. Endurheimtarkerfi hemlaorku hleður rafhlöðuna með því að nota rafmótorinn til að hægja á bílnum. Orkan sem er geymd í rafhlöðunni er svo notuð til að knýja rafmótorinn sem hjálpar til við að knýja bílinn við hröðun, þegar ekið er upp brekku eða við hægan akstur. Eftirfarandi teiknimyndir sýna þetta flókna orkuflæði.
Þegar Tucson Hybrid er gangsettur eða honum er ekið hægt knýr raforkan sem er geymd í rafhlöðunni rafmótorinn og þar með bílinn áfram.
Við mikla inngjöf eða akstur upp brekku vinna rafmótorinn og bensínvélin saman til að hámarka hröðun og lágmarka eldsneytisnotkun.
Þegar ekið er á jöfnum hraða kemur aflið ýmist frá bensínvélinni eða rafmótornum, hvort sem er hagkvæmara hverju sinni.
Þegar dregið er úr hraða (t.d. með hemlun þegar ekið er niður brekku) virkar rafmótorinn eins og rafall sem breytir hreyfiorku í raforku sem er síðan geymd í rafhlöðunni og notuð til að knýja rafmótorinn.
Endurheimtarkerfi hemlaorku hleður rafhlöðuna með því að nota rafmótorinn til að hægja á bílnum. Þegar dregið er úr hraða eða ekið niður brekku er orkan sem verður til geymd í rafhlöðunni.
Hyundai hefur þróað fyrstu CVVD-tæknina (Continuously Variable Valve Duration). Tæknin hámarkar afköst vélarinnar og sparneytni um leið og hún er vistvæn. Ventlastjórnunartæknin stjórnar tímastillingu opnunar og lokunar eftir akstursskilyrðum.
Vont veður? Krappar beygjur? Ekkert mál. HTRAC™-aldrifskerfið býður upp á hámarksstjórn og afköst í beygjum.
Snjór? Sandur? Aur? Ekkert mál. Torfærustillingin gerir þér kleift að velja á þægilegan hátt á milli akstursstillinga til að fínstilla aksturseiginleika og aldrifsstillingu fyrir mismunandi aðstæður.
Njóttu aukinnar stjórnar. Rafræn ESC-stöðugleikastýring eykur þægindi og stjórn með því að draga úr veltu, halla og lóðréttri hreyfingu með stillingu fjöðrunar á hverju hjóli fyrir sig.
Þökk sé nýstárlegri aflrásartækni Hyundai getur verið bæði fljótlegt og þægilegt að hlaða bílinn. Þú getur hlaðið á almennri hleðslustöð, í heimahleðslustöð eða heimilisinnstungu. Þegar þú stingur í samband heima geturðu tímasett hleðslu með snjallsímanum og í Bluelink®-forritinu utan álagstíma til að tryggja lægra verð.
Þú hefur ýmsa möguleika til að hlaða bílinn, allt eftir því hvernig rafveita er heima hjá þér eða hvernig hleðslustöð þú hefur aðgang að. Dæmi um hleðslumöguleika eru heimahleðslustöð eða hleðslustöð með riðstraumi.
Hægt er að tengja bílinn við venjulega heimilisinnstungu með ICCB-snúru. 7,2 kW hleðslutækið umbreytir riðstraumi úr vegginnstungunni í jafnstraum sem hleður rafhlöðuna.
Hægt er að fá hleðslusnúru til að hlaða TUCSON Plug-in Hybrid á hleðslustöðvum með riðstraumi. Einnig má nota snúruna til að tengja við heimahleðslustöð.
Háþróað rafhlöðustjórnkerfi í Hyundai TUCSON Plug-in Hybrid veitir þér fullkomna stjórn á því hvenær og hvernig þú hleður bílinn. Veldu tíma sem hentar þínum tíma og fjárhag best og fáðu nákvæmar upplýsingar um hleðslutíma.
Aðeins örfáar snertingar og þú sparar pening. Notaðu tímastillta hleðslu til að stilla upphaf og lok hleðslutíma þannig að þú getir nýtt þér lægra raforkugjald utan álagstíma og stigið inn í bíl með fullhlaðinni rafhlöðu þegar þú vaknar.
Stilltu hleðsluhámark – til dæmis 50% – til að nýta þér hleðslustöð í borginni fyrir aksturinn heim. Svo geturðu fullhlaðið rafhlöðuna heima á meðan þú sefur til að nýta þér lægra raforkugjald að nóttu til.
TUCSON Plug-in Hybrid býður upp á allt sem þú þarft til að njóta rafknúinna samgangna eins og þær gerast bestar. Ókeypis LIVE Services-áskriftin veitir þér aðgang að rauntímaupplýsingum um hleðslustöðvar, bílastæði og Hyundai-umboð. Auk þess færðu rauntímaupplýsingar um umferð, viðvaranir um hraðamyndavélar*, netleit fyrir áhugaverða staði og veðurskilyrði.
Þú þarf aldrei að hafa áhyggjur af því að verða rafmagnslaus: Fáðu rauntímaupplýsingar um hleðslustöðvar, t.d. um staðsetningar, tegundir tenginga og tiltækileika.
Bílastæðaleitin hjálpar þér að finna og bera saman bílastæðamöguleika í bílastæðahúsum, á bílastæðum og við götuna.
Fáðu rauntímaupplýsingar um nálæg Hyundai-umboð. Þetta getur verið gagnlegt ef þú þarft að láta þjónusta bílinn þegar þú ert fjarri heimaslóðum.
Njóttu afslappaðri aksturs með hraðamyndavélaviðvörunum. Þessi alhliða þjónusta birtir viðvaranir fyrir bæði fastar og hreyfanlegar hraðamyndavélar* svo þú getir einbeitt þér að akstrinum áhyggjulaus.
Með umferðarupplýsingum í rauntíma færðu upplýsingar um bestu leiðirnar miðað við aðstæður hverju sinni. Þannig kemstu hraðar á milli staða og losnar við umferðarteppur.
Það er alltaf gott að skoða veðurspána áður en lagt er upp í bílferð. Veðurþjónustan birtir veðurupplýsingar í rauntíma á korti fyrir allar helstu borgir Evrópu.
Ertu að leita að einhverju sérstöku? Finndu nálæga staði og láttu forritið vísa þér beint þangað. Með ókeypis textaleit geturðu fundið staðinn sem þú leitar að á einfaldan hátt.
Að sjálfsögðu er TUCSON Plug-in Hybrid búinn nýjasta tengibúnaðinum á borð við Bluelink® Connected Car Services sem gerir þér kleift að stjórna bílnum með snjallsímanum – eða raddskipunum. Ókeypis fimm ára áskrift að Hyundai LIVE Services fylgir með leiðsögukerfi fyrir stóran 10,25" skjá.
Nýr 10,25" snertiskjárinn fellur fullkomlega að snertistjórnborðinu. Öllu er stjórnað með snertingu, hvort sem er leiðsögn, upplýsinga- og afþreyingarkerfi eða loftkælingu.
Stafræni mælaskjárinn gefur ökumannsrýminu hátæknilegt yfirbragð. Búið er að fjarlægja umgjörð mælaskjásins til að undirstrika opið yfirbragð innanrýmisins.
Kveiktu á og stjórnaðu eiginleikum á borð við hitastillingar, upplýsinga- og afþreyingarkerfi, opnun afturhlera og stýrishita með raddskipunum.
Nýttu þér þráðlausa hraðhleðslu fyrir snjallsímann. Afl hleðslubúnaðarins hefur verið aukið úr 5 W í 15 W til að skila hraðhleðslu. Auk þess er einingin búin innbyggðum kælibúnaði til að koma í veg fyrir að snjalltækið ofhitni.
Hleðslan er alltaf til staðar. Nýr TUCSON er í boði með USB-tengjum við fram- og aftursæti til að tryggja að allir í bílnum geti hlaðið tækin sín.
KRELL-hljóðkerfið skilar ótrúlegum hljómgæðum með átta kraftmiklum hátölurum og bassahátalara.
Nýr TUCSON Plug-in Hybrid er bæði þægilegur og hentugur, fjölhæfur og vel tengdur. Hugvitsamlegur búnaður á borð við fjarstýrð fellisæti auðvelda þér að pakka í farangursrýmið fljótt og vel. Hugvitsamlegur inngöngubúnaður býður upp á einfalda stjórnun farþegaframsætisins. Upphituð fram- og aftursæti og fjölvirk loft- og hitastýring með frávísandi loftunaropum bjóða upp á þægilegra andrúmsloft í innanrýminu.
Nú er auðvelt að pakka í bílinn. Afturhlerinn opnast sjálfkrafa þegar snjalllykillinn greinist nærri í þrjár sekúndur. Þetta er sérlega hentugt þegar þú ert með báðar hendur fullar eftir verslunarferðir. Þú getur meira að segja stillt hversu hátt hlerinn lyftist.
Þessi sniðugi búnaður gerir ökumanni kleift að renna og halla farþegaframsætinu með hnappi á sætinu til að auðvelda aðgengi og auka þægindin.
Aukin þægindi og sveigjanleiki bjóðast með 40:20:40 skiptingu aftursætanna. Enn fremur er boðið upp á fjarstýrða niðurfellingu sæta með handföngum á hliðum farangursgeymslunnar.
Vegna þess að rafhlöðunni er haganlega komið fyrir í undirvagni bílsins er TUCSON Plug-in Hybrid rúmgóður og með gott fótarými. Farþegar í aftursæti fá 955 mm fótarými.
Það er staðreynd. Við höfum ólíkar þarfir. Sumir vilja meiri hita, aðrir minni. Þess vegna er nýr TUCSON búinn fjölvirkri loft- og hitastýringu. Hún dreifir loftinu með að- og frávísandi loftunaropum svo blásturinn verður mildari en heildarrúmtak loftsins helst það sama. Þriggja svæða hita- og loftstýring gerir þér svo kleift að skipta bílnum upp í ólík hitasvæði fyrir ökumann og farþega í framsæti og aftursætum.
Hámarkaðu þægindi allra. Nýr TUCSON er búinn innfelldri fjölvirkri loft- og hitastýringu, þeirri fyrstu sinnar tegundar í bíl frá Hyundai, sem samanstendur af að- og frávísandi loftunaropum fyrir loftkælingu og miðstöð sem stuðla að betra andrúmslofti í innanrými með hægara loftflæði.
Svalt yfir sumartímann. Hlýtt um vetur. Ökumaður og farþegi í framsæti geta valið hita og loftræstingu í sætum. Hiti í aftursætum er einnig í boði sem aukabúnaður fyrir farþega í aftursætum.
Allir ánægðir. Þriggja svæða hita- og loftstýring nær einnig til farþega í aftursætum.
Vertu enn öruggari í nýjum Hyundai TUCSON Plug-in Hybrid með hugvitsamlegum eiginleikum og háþróuðum akstursaðstoðarkerfum sem eru þau bestu sinnar tegundar í flokki sambærilegra bíla. Bíllinn er búinn háþróuðu sjö loftpúða kerfi með hliðarloftpúða á milli framsæta sem er einstakt í flokki sambærilegra bíla. Það kemur í veg fyrir að farþegar í framsætum rekist saman og lágmarkar hættuna á alvarlegum meiðslum.
FCA-árekstraröryggiskerfið hemlar sjálfkrafa þegar það greinir skyndilega hemlun hjá bílnum fyrir framan eða gangandi vegfarendur og hjólreiðafólk. Nú er búið að bæta við kerfið gatnamótabeygjubúnaði sem er sérstaklega hannaður til að koma í veg fyrir framanákeyrslu þegar beygt er til vinstri á gatnamótum (í löndum þar sem vinstri umferð er).
Nýr TUCSON Plug-in Hybrid er búinn akreinaaðstoð. Þegar kveikt er á henni heldur hún bílnum á miðri akreininni á hraða milli 0 og 180 km/klst. á þjóðvegum og á götum innanbæjar.
Greinir ökutæki úr gagnstæðri átt og ökutæki fram undan og skiptir sjálfkrafa á lágu ljósin. Þegar engin ökutæki greinast lengur er aftur kveikt á háljósunum til að hámarka útsýnið.
Nýr TUCSON Plug-in Hybrid er nú í fyrsta sinn búinn þjóðvegaakstursaðstoð. Þessi búnaður er samsettur úr akreinaaðstoð og snjallhraðastilli sem er tengdur við leiðsögn. Búnaðurinn notar skynjara og kortagögn til að tryggja öruggan akstur og sjálfvirka stillingu hraða í samræmi við beygjur á leiðinni eða þar sem hraðatakmarkanir gilda. Sérstakur hnappur á stýri gerir ökumanni kleift að kveikja á þjóðvegaakstursaðstoðinni.
Meira öryggi, minna stress. Búnaðurinn er hluti af þjóðvegaakstursaðstoðinni og heldur tiltekinni fjarlægð frá ökutækinu fyrir framan, auk þess að stjórna hraðanum þegar beygt er.
Nú sérðu hvað er að gerast til vinstri og hægri fyrir aftan bílinn á skjá á stafræna mælaborðinu í nýjum TUCSON. Myndavélarnar verða virkar þegar stefnuljósin eru sett á við akreinaskipti.
Þessi búnaður hringir sjálfkrafa í neyðaraðstoð ef þú lendir í slysi og loftpúðarnir fara í gang. Þú getur líka ýtt á SOS-hnappinn til að óska eftir neyðaraðstoð hvenær sem er, alla daga ársins.
Þegar bakkað er út úr stæðum þar sem skyggni er lítið varar kerfið ekki aðeins ökumanninn við þegar bílar nálgast frá hlið – heldur virkjar það einnig hemlana sjálfkrafa.
Árekstrarvörn á bílastæði er aðeins í boði í Plug-in Hybrid-bílnum en búnaðurinn dregur úr líkunum á því að aka á hindranir fyrir aftan bílinn þegar bakkað er. Kerfið gefur frá sér hljóð- og myndviðvaranir og virkjar hemlana þegar nauðsyn krefur.
Með einum takka er hægt að láta nýjan TUCSON Plug-in Hybrid bakka sjálfan inn í og keyra út úr bílastæði.
Bíllinn er búinn háþróuðu sjö loftpúða kerfi með hliðarloftpúða á milli framsæta sem er einstakt í flokki sambærilegra bíla.
Nýr TUCSON er búinn hágæða snjalltækni til að tryggja að þú og fjölskylda þín séuð örugg og getið notið hverrar bílferðar til fulls. Við höfum bætt við nokkrum eiginleikum sem leggja sérstaka áherslu á öryggi barnanna.
Þessi sniðugi búnaður getur komið í veg fyrir slys með því að nema ökutæki sem nálgast aftan frá og birta viðvörun á mælaskjánum og hliðarspeglunum auk þess að gefa frá sér hljóðviðvörun.
Úthljóðsnemar greina hreyfingar farþega og geta sent ökumanninum tilkynningu ef börn eða gæludýr gleymast óvart í bílnum.
Höfundarréttur © 2023 Hyundai á Íslandi. Allur réttur áskilinn.
