Miðstokksbrú
Miðstokkurinn – sem er í laginu eins og brú, býður upp á nóg af þægilegri geymslu í bílnum. Flata yfirborðið er fullkomið til að setja upp fartölvu, spjaldtölvu eða taka minnispunkta í skrifblokk.
Menu
Aflíðandi og straumlínulöguð hönnunin ber með sér einkenni nýrra tíma rafknúinna samgangna og undirstrikar fjölbreytt notagildi þessa einstaka fólksbíls. Úthugsaðar línurnar og einföld en þó heillandi form bera þess merki að bíllinn sé innblásinn af Prophecy Concept EV.
IONIQ 6 tengir saman tilfinningaleg áhrif, virkni og fagurfræði.
Innanrými IONIQ 6 var þróað samhliða ytra byrðinu og með þarfir þeirra sem þar sitja í fyrirrúmi. Þessi samþætta nálgun er óhefðbundin við hönnun bíla en útkoman er einstök: kúpt lögun farþegarýmis sem skapar afslappaða stemningu. Innanrýmið hefur auk þess verið stækkað með því að lengja það fram og aftur, sem skilar sér í sérstaklega straumlínulöguðu útliti og rúmgóðu farþegarými.
Kúpt lögun farþegarýmisins, sem sótt er til hugmyndarafbílsins Prophecy Concept EV, á að skila sér í þægilegu og hagnýtu afdrepi sem farþegum og ökumanni líður vel í.
Notendavænt innanrýmið er búið stjórneiningu sem er sérstaklega hönnuð með þægindi ökumanns í huga. Hún er fyrir miðju til að draga úr truflunum og auðvelda aksturinn.
Rennilegt mælaborðið er búið tveimur innfelldum skjám: 12,3" snertiskjá fyrir upplýsinga- og afþreyingarkerfið og 12,3" stafrænum mælaskjá.
Lyftu andanum upp með djörfum og skærum litum.
Mjúkir, mildir litir til að draga úr streitu og kvíða.
Bjartir litir til að auka meðvitund og bæta fókus.
Búðu til stemningu eftir því hvernig skapi þú ert í. Veldu eitt af sex tvílitum litaþemum sem eru þróuð af litasérfræðingum til að veita ökumönnum og farþegum meiri hugarró og þægindi. Einnig er hægt að velja úr 64 litum til að setja saman þína eigin stemningslýsingu. Ekki nóg með það heldur getur hraðastýrða ljósastillingin gert akstursupplifunina enn einstakari með því að breyta birtustigi innanrýmisins eftir ökuhraða bílsins.
Finndu hraðann. Gagnvirk lýsing með hraðaskynjara í framhurðum breytir birtustigi stemningslýsingarinnar úr 10% við 30 km/klst. í 100% við 100 km/klst. 1
Með einum hnappi geturðu hallað tveimur slökunarsætum alveg aftur og hvílt þig á meðan þú hleður.
Hönnuðirnir og verkfræðingarnir okkar unnu saman að því að gera innanrýmið eins rúmgott og hægt er til að auka þægindi fyrir ökumann og farþega.
Miðstokkurinn – sem er í laginu eins og brú, býður upp á nóg af þægilegri geymslu í bílnum. Flata yfirborðið er fullkomið til að setja upp fartölvu, spjaldtölvu eða taka minnispunkta í skrifblokk.
Fáðu ferskt loft í gegnum opnanlegu topplúguna
Til þess að auka rými þá færðum við hnappana á framhurðunum í miðborðið. Fyrir utan frábæra og stílhreina hönnun, þá veitir þessi breyting meira hnérými og eykur þægindi við akstur.
Njóttu auðvelds aðgangs. Útdregna hanskahólfið gerir það að verkum að þú getur auðveldlega nálgast allt innihaldið – jafnvel það sem er falið aftast. Þú þarft ekki lengur að grafa um í hanskahólfinu í leit að týndum pennum og blöðum.
Innanrými IONIQ 6 sækir innblástur úr náttúrunni og er einkennandi fyrir sjálfbærnistefnuna okkar. Þar má finna mikið af umhverfisvænum efnum á borð við endurunnar plastflöskur og fiskinet, plastgarn sem unnið er úr plöntum, vistvænt leður sem unnið er með plöntuþykkni og lífræna málningu úr plöntuþykkni.
Skýrar, aflíðandi línur og straumlínulöguð hönnun IONIQ 6 framkalla fágun einfaldleikans. Aflíðandi sveigjur og mjúkar línur kallast á við táknræna straumlínulögun bíla frá þriðja og fjórða áratug síðustu aldar, lögun sem nú hefur öðlast hlutverk í sjálfbærum samgöngum.
Að framan renna margskipt LED-ljós vel saman við loftinntökin og sjálfvirk loftspjöld.
Einstök straumlínulögun IONIQ 6 einkennist af skýrum og einföldum línum og straumlínulagaðri hönnun sem gerir bílinn bæði sérlega skemmtilegan og stuðlar að auknu drægi.
Hönnun sem einkennist af stéllaga lögun afturhluta skilar niðurþrýstingi og lágri stöðu sem dregur úr loftmótstöðu og skilar sér í auknu drægi í akstri á rafmagni.
Á þessum rafmögnuðu tímum er loftmótstaða mikilvægari en nokkuð annað. Með IONIQ 6 hafa verkfræðingarnir okkar og hönnuðir náð nýjum hæðum: ótrúlega lágur 0,21 loftviðnámsstuðull. Ekki nóg með að IONIQ 6 sé einstaklega straumlínulagaður heldur er hann einnig búinn fjölbreyttu úrvali af háþróuðum loftmótstöðulausnum, þar á meðal: vindskeið að aftan, sjálfvirk loftspjöld að framan, loftstreymisgleypar, minnkun bils á milli hjóla, loftviðnámsinnfellingar og lofthlífar á felgum.
Þegar loftspjaldið er lokað beinir aflíðandi lögunin lofti að loftinntakinu sem ásamt loftstreymisgleypum og minnkun bils á milli hjóla bætir loftmótstöðuna.
Minnkun bils á milli hjóla felst í hönnun til að stýra flæði lofts fremst við felgurnar sem minnkar loftmótstöðuna enn frekar.
Ofurtölva og sérstakur hugbúnaður eru notuð fyrir mótunartæknina sem gerir lögun vindskeiðar og annarra háþróaðra loftmótstöðulausna sem besta.
Álfelgurnar endurspegla hönnunarþemað, einstakt og rafmagnað yfirbragð samræmist fallegum línum bílsins. Veldu á milli 18“ og 20“ felgna.
Glerlík og gagnsæ efni undirstrika einkennandi og stílhreint útlit IONIQ 6. Þetta má sjá einna helst á vindskeiðinu og eins á hliðarspeglunum.
Til að undirstrika enn frekar sérstöðu IONIQ 6 er nýja Hyundai „H“ merkið sett á fram- og afturhlutann.
Hliðarhönnun er einföld, en þó auðkennd með hurðarhandföngum sem auka hreint útlit og loftflæði.
Sporvölulaga vindskeiðin er búin með glerlíkum, gagnsæjum efnum sem undirstrika einstaka LED lýsingu hennar.
IONIQ 6 er með fleiri en 700 margskiptar einingar, en það er eitt af hönnunareinkennum allra IONIQ-bíla. Þær má finna í LED-aðalljósunum og afturljósasamstæðunni og þar að auki í neðri skynjurunum að framan, stafrænu hliðarspeglunum, skrautlistum loftunaropa og á hleðsluljósi miðstokksins fyrir þráðlausu snjallsímahleðslustöðina.
Með Matrix LED tækni og Parametric Pixel dagljósum, lagar snjalltaðalljósakerfið sig sjálfkrafa að aðstæðum á vegum og hámarkar notkun háljósa án þess að hætta sé á að ökumenn sem koma úr mótstæðri átt truflist við akstur.
Einkennandi IONIQ Parametric Pixels er að finna á ljósunum að aftan og á bremsuljósunum sem lýsa skýrt í öllum aðstæðum.
Val er um ellefu liti á ytra byrði, þar á meðal tvo liti með mattri áferð. Listar á klæðningu yfirbyggingar fást í meðalgrófu silfri eða hálfgljáandi svartsanseruðu, allt eftir því hvaða litur er valinn á ytra byrði.
Mikið er um sjálfbær efni í IONIQ 6, þar á meðal endurunnið lakk með litarefnum úr úreltum hjólbörðum í klæðningunni og lakk með litarefnum úr bambuskolum á yfirbyggingunni. Í innanrýminu má finna vistvænt unnið leður, efni úr endurunnu PET-plasti, lífrænt plastefni, lífræna málningu sem unnin er úr jurtaolíum og mottur úr endurunnum fiskinetum. Hugvitsamleg notkun náttúrulegra efna er önnur sjálfbær nálgun í framleiðsluferlum okkar sem leiðir til þess að framleiðsla IONIQ 6 notast enn minna við vörur sem framleiddar eru úr olíu.
Við styðjum samtökin Healthy Seas við að sækja týnd fiskinet sem síðan eru endurunnin sem ECONYL®, nælongarn sem notað er í gólfmottur IONIQ 6.
Í sætum, þakklæðningu og mottum er endurunnið plastefni og þar að auki lífrænt efni sem unnið er úr sykurreyr og maís. Leðrið í sætunum er unnið á vistvænan hátt og litað með hörfræolíu.
Lífræn málning úr jurtaolíum er notuð á hurðirnar að innan, endurunnið lakk með litarefnum úr úreltum hjólbörðum í klæðninguna og lakk með litarefnum úr bambuskolum á yfirbygginguna.
Höfundarréttur © 2023 Hyundai á Íslandi. Allur réttur áskilinn.
