Fáguð tækni fyrir aukin þægindi og öryggi.

Ný framúrskarandi snjalltækni með aukinni áherslu á þægindi og notagildi lætur Santa Fe skara fram úr í sínum flokki: upplifðu það besta í sparneytnum afrásum með hybrid og plug-in hybrid valkostum ásamt fyrsta flokks öryggis- og tengimöguleikum.

Þægindi

Hugvitssamleg þægindi og hægðarauki.

Santa Fe býður upp á það besta í þægindum og hægðarauka með einstaklega sveigjanlegri sætaskipan og snjöllum lausnum fyrir hversdagsamstrið á borð við rafknúinn afturhlera með bendistjórnun og leiðsögn fyrir opnun afturhlera. Fótarýmið er mikið við aðra og þriðju sætaröð, farangursgeymslan er stærri og fjöldi geymsluhólfa er vítt og breitt um innanrýmið.

Mynd af innanrými í nýjum, sjö sæta Hyundai Santa Fe sem sýnir öll sætin
Mynd af innanrými í nýjum, sjö sæta Hyundai Santa Fe sem sýnir barn stilla höfuðpúðann

Sveigjanleg sætaskipan.

Njóttu fyrsta flokks þæginda fyrir allt að sjö farþega með nægu farangursrými. Ertu að leggja í langferð með mikinn farangur? Þá geturðu rennt fram annarri sætaröð, með 40/20/40 skiptingu, til að koma bæði farþegum og farangri fyrir án vandkvæða. Aðeins þarf að ýta á einn hnapp til að renna annarri sætaröð fram og frá til að skapa greiða leið í þriðju sætaröðina.

Mynd af sjónlínuskjánum inni í Hyundai Santa Fe.

Sjónlínuskjár.

Sjónlínuskjárinn eykur öryggi þitt með því að varpa mikilvægum upplýsingum á borð við hraða, leiðsögn og viðvaranir beint á framrúðuna.

Fyrsta flokks KRELL-hljóðkerfi.

Einstök hljómtæki frá KRELL skila kristaltærum hljóðheimi. Tíu gæðahátalarar skila frábærum surround-hljómi um allan bílinn með fyrsta flokks 12 rása magnara með 589 vatta orku samtals. KRELL Automotive eru framúrskarandi hljómtæki fyrir bíla þróuð af KRELL, framleiðanda hágæðahljómtækja með höfuðstöðvar í Bandaríkjunum.

Mynd af fyrsta flokks KRELL-hljóðkerfi í nýjum Hyundai Santa Fe.

Tengimöguleikar

Háþróaðir tengimöguleikar.

Að sjálfsögðu hefur allur stafrænn tæknibúnaður Santa Fe verið uppfærður í nýjustu snjalltækni. Þráðlaus speglun snjallsíma og nýjasti tengibúnaður á borð við Bluelink® Connected Car Services gerir þér kleift að stjórna bílnum með snjallsímanum – eða röddinni. Ókeypis fimm ára áskrift að Hyundai LIVE Services fylgir með leiðsögukerfi fyrir stóran 10,25" skjá.

Smelltu á vinstri eða hægri örina til að fletta á fyrri eða næstu skyggnu.
  1. Nærmynd af uppfærðu þráðlausu hleðslustöðinni í nýjum Hyundai Santa Fe.

    Þráðlaus hleðsla.

    Uppfærð þráðlaus hleðslustöð er nú enn öflugri og skilvirkari til að hægt sé að hlaða snjallsíma hratt án snúruflækju.

  2. Nærmynd af skjámynd Apple Car Play og Android Auto í nýjum Hyundai Santa Fe.

    Apple Car Play og Android Auto.

    Með þráðlausu Apple CarPlay™ og Android Auto™ er hægt að spegla snjallsímann á 8" snertiskjánum án þess að þurfa að stinga honum í samband.

  3. Mynd af snjallsíma með Hyundai Bluelink® Connected Car Services-forritið virkt.

    Bluelink® Connected Car Services.

    Stjórnaðu bílnum með snjallsímanum – eða með röddinni. Bluelink® býður upp á hnökralausa tengimöguleika og snjalleiginleika sem auðvelda þér aksturinn.

    Smelltu á vinstri eða hægri örina til að fletta á fyrri eða næstu skyggnu.
    1. skjámynd af Hyundai bluelink-forritinu í iPhone: bíllinn opnaður

      Fjarstýrðar hurðalæsingar.

      Gleymdirðu að læsa bílnum? Engar áhyggjur, Santa Fe lætur þig vita með því að senda vöktunartilkynningu í símann þinn. Síðan geturðu notað PIN-númerið þitt til að læsa eða opna bílinn með einum hnappi.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. skjámynd af Hyundai bluelink-forritinu í iPhone: áfangastaður sendur í bíl

      Áfangastaður sendur í bíl.

      Ef Santa Fe-bíllinn þinn er búinn leiðsagnarkerfi geturðu notað Bluelink-forritið til að leita að áfangastöðum þegar þú ert ekki í bílnum. Bluelink samstillir síðan leiðina við leiðsögukerfið þitt. Þú sest bara inn og ýtir á hnapp.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. skjámynd af Hyundai bluelink-forritinu í iPhone: finna hvar bíl er lagt

      Finna bílinn minn.

      Gleymdirðu hvar þú lagðir bílnum? Þú opnar bara Bluelink-forritið til að sjá hvar bíllinn þinn er – hvar sem er í heiminum.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. skjámynd af Hyundai bluelink-tilkynningu í iPhone: viðvörun um tilraun til þjófnaðar

      Þjófavarnartilkynning.

      Bluelink fylgist alltaf með bílnum þínum. Ef einhver reynir að brjótast inn í nýja Santa Fe-bílinn þinn – átt er við hurðalæsinguna og dyrnar opnaðar – færðu vöktunartilkynningu í snjallsímann.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. skjámynd af bluelink-forritinu í iPhone: skýrsla um bíl

      Upplýsingar um ástand bílsins.

      Þú getur framkvæmt fjartengda bilanagreiningu með Bluelink-forritinu. Skýrslan um bílinn getur sýnt upplýsingar um þrýsting í hjólbörðum, viðvörunarljós vegna bilana, loftpúða, hemlakerfi og margt fleira.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. skjámynd af bluelink-forritinu í iPhone: staða bíls

      Staða bíls.

      Þarftu bensín? Athugaðu forritið. Fáðu fjaraðgang að stöðu bílsins hvenær sem er, þar á meðal hversu mikið eldsneyti er eftir, hvort dyrnar eru opnar/lokaðar eða læstar/ólæstar og hvort gluggar eða farangursgeymsla er opin/lokuð.

    1. 1
    Nærmynd af stýrinu í nýjum Hyundai Santa Fe og AVN-snertiskjá með leiðsögukerfi á skjánum

    Tengt leiðaval.

    Tengt leiðaval þýðir að leiðin er ekki lengur reiknuð út af örgjörvanum í leiðsögutækinu heldur öflugum þjóni í Hyundai-skýinu. Af hverju er það betra? Af því að nú er hægt að spá með meiri nákvæmni fyrir um umferð, fá nákvæmari komutíma og gera áreiðanlegri endurútreikninga á leiðum.

    Bluelink-leiðsögn síðasta spölinn

    Leiðsögn síðasta spölinn.

    Þú gætir þurft að leggja Santa Fe einhvers staðar áður en þú kemst á endanlegan áfangastað. Ef þú ert innan 200 m til 2 km geturðu flutt leiðsögnina úr bílnum yfir í Bluelink-forritið. Með auknum raunveruleika leiðbeinir síminn þér nákvæmlega þangað sem þú vilt fara.

    Afköst

    Ný vélalína býður upp á aukna sparneytni og aukið afl.

    Njóttu meiri sparneytni með auknu afli. Nýjum Santa Fe fylgir glæný vélalína með nýju R-dísilvélinni með minni losun koltvísýrings, auk þess sem bíllinn er fyrsti Hyundai-bíllinn í Evrópu sem seldur er með SmartStream hybrid-aflrás og tengiltvinnbílsaflrás. Dísilvélinni fylgir ný átta gíra skipting með tvöfaldri blautkúplingu (8DCT) fyrir aukna hröðun og meiri sparneytni.

    Nærmynd af SmartStream hybrid-aflrásinni í nýja Hyundai Santa Fe Hybrid.

    Ný 8DCT-skipting: Átta gíra skipting með tvöfaldri blautkúplingu.

    Nýja átta gíra skiptingin með tvöfaldri blautkúplingu (8DCT), í boði með díselvélinni, býður upp á mjúka skiptingu hefðbundinnar sjálfskiptingar og meiri sparneytni en skiptingar með tvöfaldri þurrkúplingu.

    Smelltu á vinstri eða hægri örina til að fletta á fyrri eða næstu skyggnu.
    1. Mynd af 1.6 T-GDI turbo hybrid vélinni í nýjum Hyundai Santa Fe hybrid.

      1.6 T-GDI turbo hybrid.

      Hybrid-útgáfa Santa Fe skilar allt að 230 hö. með samvinnu 1,6 lítra T-GDi SmartStream-bensínvélar með forþjöppu og beinni innspýtingu og 44,2 kW rafmótors, sem knúinn er með 1,49 kWh LiPo-rafhlöðu. Bíllinn er í boði með tvíhjóladrifi og fjórhjóladrifi.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. Mynd af 1.6 T-GDI turbo hybrid vélinni í nýjum Hyundai Santa Fe hybrid.

      1.6 T-GDi plug-in Hybrid.

      Plug-in Hybrid, sem kemur á markað 2021, er knúinn með 1,6 lítra T-GDi SmartStream-bensínvél með forþjöppu og beinni innspýtingu og 66,9 kW rafmótor með 13,8 kWh LiPo-rafhlöðu. Þessi útfærsla verður aðeins í boði með fjórhjóladrifi. Heildaraflið er 265 hö.

    1. 1
    Smelltu á vinstri eða hægri örina til að fletta á fyrri eða næstu skyggnu.
    1. Mynd af 2.2 SmartStream-dísilvélinni í nýjum Hyundai Santa Fe.

      2.2 SmartStream-dísilvél.

      Fjögurra strokka SmartStream-dísilvélin skilar 202 hö. og 440 Nm togi og verður í boði með tvíhjóladrifi og fjórhjóladrifi. Nýja strokkstykkið er úr áli í stað stáls og er 19,5 kg léttara. Fjölmargir aðrir íhlutir hafa verið endurbættir til að stuðla að aukinni sparneytni. Að auki er vélin búin 2200 bara innsprautunarkerfi sem skilar enn betri heildarafköstum í vél.

    1. 1

    Aksturs- og torfærustilling.

    Snjór eða sandur? Sportakstur eða sparneytni? Þitt er valið. Veldu þá akstursstillingu sem hentar aðstæðum hverju sinni eða stemningunni á einfaldan máta! Veldu sportstillingu til að auka afköstin með breyttu viðbragði við inngjöf, gírskiptingum og stýrisátaki. Eco-stilling skilar hámarkssparneytni með breyttri hröðun, gírskiptingum og orkuþörf loftræstingar. Veldu Comfort-stillingu fyrir venjuleg afköst með góðri sparneytni.

    Mynd af torfærustillingu á nýjum, sjö sæta Hyundai Santa Fe.
    Smelltu á vinstri eða hægri örina til að fletta á fyrri eða næstu skyggnu.
    1. Skýringarmynd af snjóstillingu á nýjum, sjö sæta Hyundai Santa Fe.

      Snjóstilling.

      Fínstillir stýringu með því að lágmarka spólun í hálku og snjó með því að stilla vélarafl, gírskiptimynstur, spólvörn og tog í aldrifi.

    2. Skýringarmynd af sandstillingu á nýjum, sjö sæta Hyundai Santa Fe.

      Sandstilling.

      Stillir bílinn til að taka mjúklega af stað og auka afkastagetu við akstur á mjúkum og torfærum vegum með því að stilla vélarafl, gírskiptimynstur, spólvörn og tog í aldrifi.

    3. Skýringarmynd af aurstillingu á nýjum, sjö sæta Hyundai Santa Fe.

      Aurstilling.

      Stillir bílinn til að auka viðeigandi afkastagetu við akstur á hálum og torfærum vegum með því að stilla vélarafl, gírskiptimynstur, spólvörn og tog í aldrifi.

      HTRAC™-aldrifskerfi.

      Vont veður? Krappar beygjur? Ekkert mál. Santa Fe fæst með hinu snjalla HTRAC™-aldrifskerfi sem býður upp á frábæra aksturseiginleika og afköst í beygjum – sem gerir akstur á hálum götum í borginni og torfærum sveitavegum öruggari og miklu afslappaðri.

      Nýr sjö sæta Hyundai Santa Fe, frá hlið.

      Nýr undirvagn.

      Nýr Santa Fe er byggður á þriðju kynslóð Hyundai-undirvagna með enn meiri afköstum, stjórn, sparneytni og öryggi.

      Macpherson-fjaðrabúnaðurinn í nýjum sjö sæta Hyundai Santa Fe.

      Kraftmikil fjöðrun.

      MacPherson-fjaðrabúnaður skilar auknum stöðugleika og bættum aksturseiginleikum. Fjölliða afturfjöðrun gerir aksturinn þægilegri og tekur minna pláss.

      Öryggi

      Aukið öryggi fyrir þig og þína.

      Fyrsta flokks Hyundai SmartSense-öryggisbúnaði og háþróuðum akstursaðstoðarkerfum á borð við þjóðvegaakstursaðstoð og árekstraröryggiskerfi að aftan fyrir bílastæði svipar til þeirra sem finna má í lúxusútfærslum bíla keppinautanna. Bíllinn er meira að segja búinn fjarstýrðu SPAS-bílastæðakerfi sem leggur bílnum fyrir þig.

      Skýringarmynd sem sýnir þjóðvegaakstursaðstoð Hyundai

      Þjóðvegaakstursaðstoð (HDA).

      Nýr Santa Fe er nú í fyrsta sinn búinn þjóðvegaakstursaðstoð. Þessi búnaður er samsettur úr akreinaaðstoð og snjallhraðastilli. Búnaðurinn notar skynjara og kortagögn til að tryggja öruggan akstur og sjálfvirka stillingu hraða þar sem hraðatakmarkanir gilda. Sérstakur hnappur á stýri gerir ökumanni kleift að kveikja á þjóðvegaakstursaðstoðinni.

      Þrír nýir sjö sæta Hyundai Santa Fe-bílar lagðir hlið við hlið.

      Fjarstýrð snjallbílastæðaaðstoð.

      Nýr Santa Fe getur nú sjálfkrafa lagt í og ekið úr bílastæði. Kerfið getur meira að segja bakkað bílnum í stæði eftir að ýtt er á einn hnapp.

      Sjö sæta Hyundai Santa Fe notar árekstraröryggiskerfi að aftan fyrir bílastæði.

      Árekstraröryggiskerfi að aftan fyrir bílastæði.

      Þessi búnaður notar ratsjár að aftan og á hliðum til að greina hindranir þegar bakkað er og varar ökumann við og beitir hemlum til að koma í veg fyrir árekstur.

      Vörn fyrir þig og þína nánustu

      Santa Fe er hannaður til að vernda þig og farþega þína. Til viðbótar við sex loftpúða: tvo að framan, tvo hliðarpúða og tvö loftpúðatjöld – hefur verulegum endurbótum í árekstraröryggi verið náð, þökk sé nýja Hyundai-undirvagninum. Hann gerir bílnum kleift að draga betur úr höggi við árekstur um leið og aflögun farþegarýmisins er lágmörkuð.

      Skýringarmynd af loftpúðunum sex inni í nýja Hyundai Santa Fe.

      Uppgötvaðu alla kosti þessa sjö sæta jeppa.

      Vinsælasti jeppinn okkar í Evrópu, nýr Santa Fe er ekki aðeins stærri heldur líka betri. Upplifðu meira pláss og meiri snjalltækni á borð við fyrsta flokks tengimöguleika og einstaklega sparneytnar, nýjar aflrásir. Kynntu þér þetta nánar undir smámyndunum hér að neðan.