Hönnun.
Kynntu þér hönnun BAYON.
Einstök hönnun.
Nýr BAYON er auðþekkjanlegur á afgerandi línum og eftirtektarverðu útliti. Hér fer stílhreinn og rennilegur bíll sem sameinar verðlaunaða arfleifð Hyundai og glæsilega sjónræna útfærslu nýrra Sensuous Sportiness-hönnunarauðkenna okkar.
Listrænn innblástur
List víðs vegar að úr Evrópu sem innblásin er af BAYON.
Í tilefni heimsfrumsýningar BAYON buðum við níu mismunandi listamönnum og -konum hvaðanæva að úr Evrópu að skapa listaverk sem innblásin eru af hönnun bílsins. Hugmyndin að herferðinni kviknaði út frá einstöku útliti bílsins: Þetta er fyrsti bíllinn frá Hyundai sem þróaður er sérstaklega fyrir Evrópumarkað og einkennandi hönnun hans, sem byggir á Sensuous Sportiness-hönnunarauðkenni Hyundai, var nýtt sem listrænn innblástur.
-
Camilla Alberti (Ítalía)
Camilla vinnur með hluti, iðnaðarúrgang og manngerða þætti sem þéttbýlið skilar frá sér. Verkið hennar er innblásið af mynstri grillsins á BAYON.
-
Vincent de Boer (Holland)
Vincent sameinar oft skrautskrift, grafíska hönnun og týpógrafíu í verkum sínum. Mynd hans, sem unnin er með bleki á pappír, sækir innblástur í samanrekin en um leið fáguð hlutföll BAYON.
-
Jan Gemrot (Tékkland)
Í huga Jan kveiktu sterk rúmfræðileg form aðalljósa BAYON mynd af fljúgandi mannveru með langa vængi, sem kallast á við frelsi og hreyfanleika í akstri innan þéttbýlla svæða.
-
Guido Zimmerman (Þýskaland)
Rafknúin aflrás og einstök hönnunareinkenni BAYON veittu Guido innblástur við sköpun þrívíðs tréskúlptúrs sem blandar saman hestum á stökki og formum sem finna má á BAYON.
-
Nuriatoll (Spánn)
Þessi spænski grafíski hönnuður vinnur mikið með risastórar veggmyndir og listaverk sem finna má víðsvegar um heimaborg hennar, Barselónu. Hún sótti innblástur í örvalögun aðalljósa BAYON.
-
Soyhan Baltaci (Tyrkland)
Soyhan vinnur með rými, fólk og náttúru við listsköpun sem skoðar síbreytilegt samband okkar við umhverfi okkar. Teikningar hans draga fram ýmsa hönnunarþætti BAYON.
-
Nathaniel Rackowe (Bretland)
Þessi lundúnski listamaður einbeitti sér að breiðu grilli BAYON og skapaði ljósskúlptúr sem byggir á samtengdum mynstruðum einingum sem gefa tilfinningu fyrir kvikri lýsingu nútímaborga.
-
Pola Augustynowiczs (Pólland)
Pola nýtur þess að skapa fallegar og litríkar myndir úr hvers kyns efniviði. BAYON veitti henni innblástur til að skapa heim sem sameinar borgargötur og hönnunarþætti bílsins.
-
Bahar (Frakkland)
Bahar sótti innblástur sinn bæði til bílsins og borgarinnar Bayonne í suðvesturhluta Frakklands. Í verkum sínum notast hún við einstakt fagurfræðilegt sjónarhorn sem einkennist af sérstæðum ljóðrænum og íburðarmiklum borgarstíl.
Ytra byrði
Kraftmikil fágun Sensuous Sportiness-hönnunar.
Einstök hönnun BAYON einkennist af afgerandi línum og lykilhönnunareinkennum Hyundai. Skarpar línur hennar og örvalöguð ljós eru lifandi túlkun á Sensuous Sportiness-hönnunarauðkenni Hyundai sem einkennist af samhljómi milli hlutfalla, byggingarlags, stíls og tækni.
360°
-
Kraftmikil hönnun.
Í BAYON er að finna helstu hönnunarþætti Hyundai. Þar á meðal tvískipt framljós þar sem LED-aðalljós og stefnuljós eru aðskilin dagljósunum, sem liggja ofar til að skapa einstakt útlit.
-
Kraftmikið og breitt grill.
Breitt grill með rétthyrndri hönnun sem víkkar út neðst og skapar þannig kraftmikla stöðu ásamt neðri stuðaranum og silfraðri hlífinni.
-
Stílhreinar felgur.
Hægt er að fá BAYON afhentan með flottum 16" eða 17" álfelgum.
-
Einkennandi útlit.
Einstakt útlit BAYON skín í gegnum útlínurnar sem einkennast af örvalaga C-stoð og aurbretti og klæðningu hjólskálar.
-
Einkennandi örvalaga ljós.
Örvalaga LED-afturljósasamstæðurnar eru punkturinn yfir i-ið í hönnun BAYON. Hönnuðir okkar staðsettu þær langt út til hliðanna til að skapa breiðari stöðu.
-
Glæsilegur bíll.
Fagurlega lagaður afturhleri með langri rúðu er með mjórri láréttri línu sem tengir afturljósin um leið og hún undirstrikar þá staðreynd að bíllinn er jafn rúmgóður og hann er sportlegur.
Tjáðu þig. Þinn bíll. Þínir litir.
Hægt er að velja á milli níu lita á ytra byrðið til að fullkomna BAYON, þar á meðal er að finna nýjan lit: fenjaviðarperlugrænan. Að auki er hægt að velja tveggja tóna þak og samlit, svört speglahús sem gera þér kleift að sérsníða litasamsetningarnar enn frekar og skapa fullkominn bíl fyrir þinn smekk.
Innanrými
Einstaklega rúmgóður.
Hönnuðir Hyundai lögðu ríka áherslu á að hámarka þægindi farþega og auka pláss farangursgeymslu við hönnun bjarts og nútímalegs innanrýmis nýs Hyundai BAYON. Hurðirnar ramma mælaborðið glæsilega inn með innblæstri frá formum sem finna má í náttúrunni. Lögun hurðanna passar fullkomlega við mælaborðið og LED-stemningslýsingin gefur látlaust en fágað blátt yfirbragð í ökumannsrýminu.
-
Bjartur 10,25" stafrænn mælaskjár.
Nýi 10,25" stafræni mælaskjárinn gerir ökumannsrýmið enn hátæknilegra og birtir mikilvægar akstursupplýsingar sem ökumaður á auðvelt með að sjá. Þú getur breytt skjánum eftir þínum þörfum: Hægt er að sýna hraðann á stafrænan hátt og sýna orkuflæði (aðeins 48 V) eða SmartSense-eiginleika.
-
Þrír akstursstillingarlitir.
Breyttu stillingunni eftir stemningu hverju sinni. Stillingarnar bjóða upp á ólíka akstursupplifun með mismunandi viðbragði vélar, stýringu og skiptingu. Litaþema stafræna mælaskjásins breytist eftir því hvaða akstursstilling er valin. Blátt fyrir Normal, grænt fyrir Eco og rautt fyrir Sport.
Fágað innanrými skapar afslappaða stemningu.
Í innanrými BAYON skapa lágstemmdur litur og klæðning róandi stemningu sem gerir þér kleift að slaka á og einbeita þér að akstrinum. Vandlega valið úrval hlutlausra lita og efna í innanrými bjóða upp á samsvörun við lit á ytra byrði. Svart ofið áklæði er staðalbúnaður í innanrými en þess utan er hægt að velja tvær aðrar litasamsetningar.
Kynntu þér nýjan BAYON nánar.
Með byltingarkenndri hönnun og fyrsta flokks öryggiskerfi. Með háþróuðum tengimöguleikum ertu alltaf í sambandi – líka á ferðinni. Nýjar aflrásir og gírskiptingar ryðja veginn fyrir fágaðri og sjálfbærri akstursupplifun. Nýr BAYON setur ný viðmið í flokki sambærilegra bíla.
