Þær hafa sannað gildi sitt. Og klárar í samgöngur framtíðarinnar.

Þótt upphafið hafi ekki farið hratt af stað hefur tæknin á bakvið brunahreyfilinn þróast á gríðarlegum hraða þar sem aflið og togið hefur sífellt aukist, en á sama tíma hefur sparneytnin aukist og útblástur dregist saman. Á öllum þessum sviðum hefur Hyundai tekið sér forystuhlutverk á heimsvísu.

Hver er munurinn?

Dísilvélar starfa þannig að lofti er þjappað saman inni í strokknum. Þetta hækkar lofthitastigið nógu mikið til að kveikja í dísilögnum sem sprautað er inn í brunahólfið. Dísilvélar notast við kveikikerti til að kveikja í eldsneytisloftblöndunni.

  1. Útskorin mynd af Hyundai-bensínvél.

    Hyundai-bensínvélar.

    Allt frá 1 lítra og þriggja strokka fjölpunkta bensínvélinni með eldsneytisinnsprautun og 67 hö. í nýja i10-bílnum til 2,0 T-GDI vélarinnar með 280 hö. í nýja i30 N-bílnum – bensínvélar er hægt að fá í meirihluta Hyundai línunnar, einnig í hybrid- og tengiltvinnútgáfunum. Með þessu úrvali er tryggt að bensínvélar verði áfram skilvirkur og þægilegur valkostur fyrir flesta neytendur.

  1. 1
  1. Útskorin mynd af Hyundai Smartstream-dísilvél.

    Hyundai-dísilvélar.

    Sparneytni Hyundai-dísilvélanna (einkum hybrid-útgáfunnar með 48 V samhliða kerfi) gerir þær að góðum valkosti fyrir fólk sem ekur marga kílómetra árlega eða ekur mikið á þjóðvegum. Þær eru einnig góður valkostur þar sem notkunin kallar á mikið tog með dísilvél.

  1. 1
Merki með 6d-myndriti Hyundai.

Vélatækni framtíðarinnar.

Allar nýjar bensín- og dísilvélar frá Hyundai í Evrópu uppfylla Euro 6-útblástursstaðalinn.

Nútímaleg vélartækni: Smartstream.

Þegar verkfræðingar Hyundai hönnuðu nýjustu aflrásartæknina okkar var „snjalltækni“ markmiðið í hverjum hluta „streymisins“ þegar kom að því að spara eldsneyti, bæta afkastagetuna og draga úr útblæstri: Streymi lofts og eldsneytis sem er sprautað inn í vélina og skilar sprengikrafti til hjólanna í gegnum gírkassann.

  1. CVVD-tæknin (Continuously Variable Valve Duration).

    CVVD-tæknin hámarkar bæði afköst og sparneytni vélarinnar. Ventlastjórnunartæknin stjórnar tímastillingu opnunar og lokunar eftir akstursskilyrðum, sem skilar 4% aukningu í afkastagetu og 5% aukningu í sparneytni. Allt þetta – og 12% samdráttur á útblæstri á sama tíma.

  1. 1
  1. DPFI-tæknin (Dual-Port Fuel Injection).

    DPFI-tæknin notar tvo innsprautunarloka fyrir hver soggöng til að halda meiri stöðugleika í hlutfalli lofts/eldsneytis í blöndunni, en þetta bætir einnig hringrásarhlutfall útblástursgassins (EGR) og skilar meiri sparneytni úr vélinni. Með því að splundra eldsneytisdropunum dregur DPFI-tæknin einnig úr útblæstri skaðlegra sótagna.

  1. 1
  1. ITMS-tæknin (Integrated Thermal Management System).

    ITMS-tæknin stýrir hitastigi vélarinnar og auk þess miðstöð og loftkælingarkerfi bílsins. Þriggja stefnu loki við hlið vélarinnar stjórnar flæðinu á kælivökva vélarinnar til vatnskassans, hitunarbúnaðar smurolíu og miðstöðvar. Lokinn gerir meira en að opnast og lokast; hann stýrir einnig magninu í flæði kælivökvans og velur hverju sinni það flæðismynstur sem hentar stöðu vélarinnar.

  1. 1
  1. Hringrás útblástursgass (EGR).

    EGR-tæknin notar hringrás til að skila hluta útblástursgassins aftur inn í vélina, en með því lækkar hitastig í brunahólfinu og útblæstri köfnunarefnisoxíð. HIE-tæknin í hringrás útblástursgass í Smartstream bætir afköst hringrásarinnar með viðbættu ytra kælihólfi og kraftmiklum háspennukeflum. Þessi samsetning tryggir stöðugan bruna, jafnvel þegar hringrásarhlutfall útblásturs eykst. Þessi tækni dregur ekki aðeins úr útblæstri köfnunarefnisoxíðs heldur kemur einnig í veg fyrir bank í vélinni og dregur úr dælustoppum, en með þessu eykst sparneytnin um 2–5 prósent (allt eftir akstursstillingu).

  1. 1

Snjalltækni í gírkössum.

Í bílum með brunahreyfil gegna gírkassar því mikilvæga hlutverki að laga snúningshraða vélarinnar að aðstæðum til að auðveldara sé að stýra því hvernig aflið er notað. Viðeigandi gírskiptingar gera vélinni kleift að starfa ávallt með mikilli skilvirkni, sem bæði bætir afkastagetuna og sparneytnina.

Átta gíra skipting með tvöfaldri blautkúplingu (DCT).

DCT-sjálfskiptingar skila kostunum sem bæði beinskiptingar og sjálfskiptingar hafa í för með sér. Hraðar gírskiptingarnar og sérlega skilvirkt aflið sameina þægindin í sjálfskiptingunni og eldsneytissparneytni beinskiptingarinnar. DCT-sjálfskiptingar með blautkúplingu nota olíu til að kæla kúplinguna niður til að hún geti þolað hið mikla tog sem fylgir aflmeiri vélum.

48 V samhliða hybrid-kerfi.

48 V hybrid-aflrásin með samhliða kerfi styður við brunahreyfilinn og bætir við raforku á mismunandi stigum akstursins. Fáðu frekari upplýsingar um þetta hugvitssamlega og sparneytna kerfi.

  1. Skýringarmynd af nýjum Hyundai i30 sem sýnir gangsetningu 48 V hybrid-bíls með samhliða kerfi.

    Þægileg gangsetning.

    Hybrid-aflrásin með samhliða kerfi er sérstaklega gagnleg í borgarumferð þar sem Mild Hybrid-startarinn/rafallinn styður við brunahreyfilinn þegar bíllinn er gangsettur aftur eftir stöðvun í umferð. Hann stuðlar að hraðari og mýkri gangsetningu vélarinnar með viðbótartogi með því að sækja afl til 48 V rafhlöðunnar.

  1. 1
  1. Skýringarmynd af nýjum Hyundai i30 sem sýnir hröðun 48 V hybrid-bíls með samhliða kerfi.

    Hröðun.

    Við hröðun styður startarinn/rafallinn við vélina með 4 til 10 kW afli, allt eftir hleðslu rafhlöðukerfisins og hvernig ökumaðurinn stígur á eldsneytisgjöfina. Þegar æskilegum hraða hefur verið náð fer kerfið í hlutlausa stillingu og skilar engu afli. Með því má draga úr losun koltvísýrings og eldsneytisnotkun.

  1. 1
  1. Skýringarmynd af Hyundai i30 sem sýnir 48 V hybrid-bíl með samhliða kerfi sem hleður sig í akstri.

    Hleðsla í akstri.

    Á stöðugum hraða er kerfið annaðhvort í lausagangi eða virkar eins og rafall sem hleður 48 V rafhlöðuna, allt eftir hleðslustöðu rafhlöðunnar.

  1. 1
  1. Skýringarmynd af nýjum Hyundai i30 sem sýnir endurheimt 48 V hybrid-bíls með samhliða kerfi.

    Endurheimt.

    Við sjálfvirka hemlun eða yfirkeyrslu knýr snúningssveifarásinn startarann/rafalinn, sem endurheimtir að hámarki 10 til 12 kW. Rafallinn breytir hreyfiorku við hemlun í rafmagn og leiðir það aftur inn í 48 V rafhlöðuna.

  1. 1
  1. Skýringarmynd af Hyundai i30 sem sýnir aukinn Start/Stop-eiginleika 48 V hybrid-bíls með samhliða kerfi.

    Start/Stop-eiginleikinn og rennsli bílsins.

    Við rennsli á litlum hraða verður Start/Stop-eiginleikinn virkur við 30 km/klst. Þegar hraðinn er á milli 30 og 0 km/klst., og kúplað frá, er alveg drepið á vélinni.

  1. 1
Miðstokkur í Hyundai-bíl með iMT-beinskiptingu. 

iMT-beinskipting.

iMT-beinskiptingin er hönnuð sérstaklega fyrir hybrid-vélar með samhliða kerfi; hún bætir eldsneytissparneytnina sjálfkrafa með því að fara ávallt í rennslisstillingu þegar ökumaðurinn sleppir eldsneytisgjöfinni.

Aflrásir með afkastagetu: Hyundai N.

Hyundai N-gerðirnar fara alveg upp að mörkum hins mögulega og ökumenn þeirra fá að upplifa til fulls hversu mikil skemmtun akstur getur verið. N-gerðirnar voru hannaðar til að skila æsilegum beygjueiginleikum og aksturseiginleikum sportbílsins.

  1. Myndrit sem sýnir 392 Nm tog og 280 hö.

    2,0 T-GDi með 280 hö.

    Jöfn aflstillingin í i30 N skilar meira togi og afli á lægri snúningshraða og nýtir því stærra hlutfall af afkastagetu vélarinnar í daglegum akstri. Afkastapakkinn skilar núna 280 hö. Átta gíra skipting með tvöfaldri blautkúplingu og gírskiptirofum er loforð um betri stjórnun og hraðari gírskiptingar. Hámarkstog: 392 Nm. Hámarkshraði: 250 km/klst.

  2. Myndrit sem sýnir 353 Nm tog og 250 hö.

    2,0 T-GDi með 250 hö.

    Í staðalútgáfunni er nýr i30 N búinn sex gíra beinskiptingu og hann skilar hámarksafköstum upp á 250 hö. og hámarkstoginu 353 Nm. Hámarkshraði: 250 km/klst.

  1. 1
  2. 2
  1. Myndrit sem sýnir 275 Nm tog og 204 hö.

    1,6 T-GDi með 204 hö.

    Nýjasta kynslóðin af 1,6 lítra GDi vél með forþjöppu með sex gíra beinskiptingu (sem notar CVVD-tækni) skilar hámarksafköstum upp á 204 hö. og hámarkstogi upp á 275 Nm.

  1. 1

Skilvirkar og öflugar: bensín- og dísilvélarnar okkar.

Hyundai býður upp á mikið úrval sérlega skilvirkra og öflugra brunahreyfla sem eru hannaðir til að uppfylla ólíkar þarfir viðskiptavina og opinber viðmið.

Bensínvélar Afl Tog Gerðir
1,0 MPi 67 hö. 96,1 Nm i10
1,2 MPi 84 hö. 117,6 Nm i10 | i20 | BAYON
1,0 T-GDi 100 hö. 172 Nm i10 | BAYON
1,0 T-GDi 120 hö. 171,6 Nm i20 | BAYON
1,5 DPi 110 hö. 144 Nm i30
1,0 T-GDi með beinskiptingu 120 hö. 172 Nm i30 | KONA
1,0 T-GDi 48 V 120 hö. 172 Nm i30 | KONA
1,0 T-GDi með DCT-sjálfskiptingu 120 hö. 200 Nm KONA
1,5 T-GDi 48 V 159 hö. 253 Nm i30
1,6 T-GDi (lágt) 150 hö. 250 Nm TUCSON
1,6 T-GDi 48 V 150 hö. 250 Nm TUCSON
1,6 T-GDI (hátt) 48V 180 hö. 265 Nm TUCSON
2,0 T-GDi (lágt) 250 hö. 353 Nm i30 N
2,0 T-GDi (hátt) 280 hö. 392 Nm i30 N
1,6 T-GDi Smartstream 204 hö. 275 Nm i20 N
Dísilvélar Afl Tog Gerðir
1,6 CRDi með beinskiptingu 115 hö. 280 Nm i30 | TUCSON
1,6 CRDi með DCT-sjálfskiptingu 136 hö. 320 Nm i30 | TUCSON
1,6 CRDi 48 V 136 hö. 300 Nm i30 | TUCSON
2,2 SmartStream 202 hö. 440 Nm SANTA FE
2,5 CRDi  136 hö. 343 Nm H-1
2,5 CRDi með WGT 170 hö. 441 Nm H-1

Kynntu þér fleiri aflrásir frá Hyundai.

Hér geturðu fundið nánari upplýsingar um rafknúnar vetnisaflrásir, rafknúnar vélar á borð við 48 V hybrid-vélina með samhliða kerfi, tengiltvinnbíla, rafbíla og allt þar á milli.