Hybrid-aflrásir.
Minni útblástur, meiri sveigjanleiki.
Hybrid-aflrásir veita þér ánægju með rafknúinni hröðun, betri eldsneytisnýtingu og öllum þeim sveigjanleika sem einkennir bensínbíl. Rafhlöðurnar í tengiltvinnbílum skila meiri afkastagetu og lengra akstursdrægi með rafmagni eingöngu – án nokkurs útblásturs.
Hver er munurinn?
Venjulegir hybrid-bílar nota fyrst og fremst jarðefnaeldsneyti en geta notað visst magn raforku sem kemur úr endurheimt hemlaorku. Tengiltvinnbílar eru með stærri rafhlöðu sem hægt er að endurhlaða, sem skilar þér meira akstursdrægi á rafmagni eingöngu (allt eftir aðstæðum hverju sinni).
-
Hyundai hybrid-vélar.
Hybrid-rafbílar nota bæði brunahreyfil og rafmótor. Ekki er hægt að stinga rafhlöðunni í samband heldur hleður hún sig með endurheimt hemlaorku. Hybrid-rafbílar eru hentugur valkostur ef þú ekur mikið innanbæjar og hefur ekki góðan aðgang að hleðslustöðvum.
-
Hyundai-tengiltvinnvélar.
Rafbílar með tengiltvinnvélum nota rafhlöður með meiri afkastagetu. Þá er hægt að hlaða í heimahleðslustöð, rafmagnsinnstungum á heimilinu eða á hleðslustöðvum. Þannig geturðu ekið lengra á rafmagninu einu saman. Tengiltvinnbílar eru hentugir ef þú vilt fullkomið sjálfstæði, ekur reglulega bæði stuttar og langar vegalengdir og ert með aðgang að hleðslulausn eða getur sett upp heimahleðslustöð.
-
48 V samhliða hybrid-kerfi.
48 V hybrid-aflrásin með samhliða kerfi styður við brunahreyfilinn og bætir við raforku á mismunandi stigum akstursins. Rafbílar með samhliða kerfi eru hentugir ef þú vilt afkastagetuna sem brunahreyfill skilar en samt með meiri sparneytni.
Hybrid
Hybrid-tækni.
Hybrid-bílar frá Hyundai skipta hnökralaust á milli þess að nota bensínvélina og rafmótorinn, allt eftir aðstæðum hverju sinni. Endurheimtarkerfi hemlaorku hleður rafhlöðuna með því að nota rafmótorinn til að hægja á bílnum. Orkan sem er geymd í rafhlöðunni er svo notuð til að knýja rafmótorinn sem hjálpar til við að knýja bílinn við hröðun, þegar ekið er upp brekku eða við hægan akstur.
-
Gangsetning / lítill hraði.
Þegar bíllinn er gangsettur eða honum er ekið hægt knýr raforkan sem er geymd í rafhlöðunni rafmótorinn og þar með bílinn áfram.
-
Hröðun / ekið upp brekku.
Við mikla inngjöf eða akstur upp brekku vinna rafmótorinn og bensínvélin saman til að hámarka hröðun og lágmarka eldsneytisnotkun.
-
Jafn hraði.
Þegar ekið er á jöfnum hraða kemur aflið ýmist frá bensínvélinni eða rafmótornum, hvort sem er hagkvæmara hverju sinni.
-
Dregið úr hraða / ekið niður brekku.
Endurheimtarkerfi hemlaorku hleður rafhlöðuna með því að nota rafmótorinn til að hægja á bílnum. Þegar dregið er úr hraða eða ekið niður brekku er orkan sem verður til geymd í rafhlöðunni.
Hleðsla í akstri: endurheimt hemlaorku.
Allir hybrid-bílar og rafbílar hlaða Li-ion rafhlöðuna með því að nota rafmótorinn sem rafal þegar bíllinn hægir á sér. Stillanleg endurheimt hemlaorku gerir þér kleift að stýra þessu ferli.
-
Stillanleg endurheimt hemlaorku.
Hemlun er fínstillt þannig að endurheimtarkerfi hemlaafls nýtist sem best og KONA-rafbíllinn haldi ákjósanlegri hleðslustöðu. Ökumaðurinn getur auðveldlega stillt hversu mikið hemlaafl er endurheimt með skiptirofunum á bak við stýrið.
-
Endurheimtarstig hemlaorku.
Stig 0: Endurheimt hemlaafls er ekki virk og rafhlaðan hleðst ekki. Stig 1 til stig 3: Hærra stig þýðir aukna hemlun með rafmótornum og um leið aukna hleðslu. Því hærra sem stigið er, því meira hægir bíllinn á sér um leið og rafhlaðan er hlaðin þegar þú tekur fótinn af inngjöfinni.
-
Eins rofa stilling.
Einnig er hægt að nota skiptirofann til að hemla. Þú einfaldlega togar í vinstri skiptirofann og heldur honum þannig.
-
Haldið.
Togaðu í vinstri skiptirofann og haltu honum þannig til að virkja hámarksstyrk á endurheimt hemlaorku. Hleðslustyrkurinn er mestur í þessari stillingu.
-
Snjöll endurheimt hemlaorku.
Snjöll endurheimt hemlaorku nýtir ratsjárskynjara bílsins til að stjórna sjálfkrafa hversu mikið hemlaafl er endurheimt í samræmi við umferðina fram undan. Að auki greinir það hvort bílnum er ekið upp eða niður brekku og lagar sig að því.
Hybrid-mótor og -rafhlöður.
Bensínvélin í hybrid-bílum og tengiltvinnbílum er sú sama og í hefðbundnum bílum og bæði vélin og gírkassinn státa af nútímalegri tækni. Rafmótor og Li-ion rafhlöður fullkomna hybrid-aflrásina.
-
Rafmótorar.
Rafmótorinn skilar öflugu togi og mikilli sparneytni. Þegar ekið er af stað skilar hann einnig mjög sannfærandi og rafknúinni hröðun. Við hemlun tekur rafmótorinn að sér hlutverk rafals sem hleður rafhlöðuna.
-
LiPo-rafhlaða.
Hybrid-bílar og tengiltvinnbílar frá Hyundai hámarka rafknúna aksturinn og orkugeymsluna með háspennurafhlöðum sem státa af framúrskarandi eiginleikum í hleðslu/afhleðslu. Afkastagetan í rafhlöðum tengiltvinnbíla er allt að 10 sinnum meiri en í rafhlöðum hybrid-bíla.
Tengiltvinnbíll
Rafbílar með tengiltvinnvélum.
Tengiltvinnbílar eru með stærri rafhlöðu um borð (þó ekki eins stóra og rafbílar) og henni er hægt að stinga í samband til endurhleðslu. Þegar hleðslan á rafmótornum er á þrotum geturðu svo stungið bílnum í samband á næstu hleðslustöð – eða einfaldlega haldið áfram á bensínvélinni. Tengiltvinnbíllinn heldur því áfram eins og ekkert hafi í skorist með hybrid-kerfinu. Í samanburði við hefðbundinn hybrid-bíl skila tengiltvinnbílar lengra drægi á rafmagni eingöngu, sem þýðir að á styttri ferðum þarftu jafnvel ekki að nota neitt eldsneyti!
Hleðslumöguleikar.
Heima við geturðu bæði hlaðið tengiltvinnbílinn með heimahleðslustöð og með hefðbundinni riðstraumshleðslu.
